None kuwa gatatu tariki ya 30 Werurwe 2005, Inama y'Abaminisitiri yateraniye muri Village Urugwiro, iyobowe na Nyakubahwa Perezida wa Repubulika: Paul KAGAME.
Imaze kwemeza gahunda y'inama, Inama y'Abaminisitiri yafashe ibyemezo bikurikira:
1. Inama y'Abaminisitiri yemeje ibyemezo by'Inama y'Abaminisitiri yo ku itariki ya 23/03/2005, imaze kubikorera ubugororangingo.
Muri ubwo bugororangingo, harimo ko Inama y'Abaminisitiri yashinze abakozi imirimo ku buryo bukurikira:
• Muri Minisiteri y'Imari n'Igenamigambi Director wa Macro-Economy Unit/Directeur de l'Unité Macro-Economie ntarashyirwaho.
• Mu Bushinjacyaha Bukuru bwa Repubulika :
* NDUNGUTSE David: Director of ICT Unit/Directeur de l'Unité ICT.
* MUGEMANYI Augustin: Director of Human Resources, Finance and Logistics Unit/Directeur de l'Unité Ressources Humaines, Finances et Logistique
* UMUHOZA Francine : Director of Planning and Documentation Unit/Directeur de l'Unité Planification et Documentation.
- Mu Ntara ya Cyangugu :
*MUGENZI Jean Pierre: Director of Inspection and Local Finance Audit Unit/Directeur de l'Unité Inspection et Audit des Finances Locales.
- Mu Ntara y'Umutara :
*NYAMUTAMBA Célestin: Director of Public Relations and Internal Resource Management Unit/Directeur de l'Unité Relations Publiques et Gestion des Ressources Internes.
2. Inama y'Abaminisitiri yemeje iteka rya Perezida rishyiraho abakozi ba Leta bakora imirimo ya Noteri, icyicaro n'ifasi by'ibiro bya Noteri .
3. Inama y'Abaminisitri yemeje imishinga y'amategeko avugurura bimwe mu bigo bya Leta:
- umushinga w'itegeko rigena imitunganyirize n'imikorere ya Ofisi y'u Rwanda y'Itangazamakuru (ORINFOR) ;
- umushinga w'itegeko rigena imitunganyirize n'imikorere y'Ikigo cy'Imisoro n'Amahôro (RRA) ;
- umushinga w'itegeko rihindura kandi ryuzuza itegeko n°41/2000 ryo kuwa 07/12/2000 rishyiraho kandi rikagena imikorere y'Ikigo cy'Ubuvuzi cya Kaminuza (CHU) ;
- umushinga w'itegeko rivugurura itegeko n°32/2002 ryo ku wa 02/10/2002 rishyiraho Ikigo cya Leta cy'Ikoranabuhanga mu Itangazabumenyi no mu Itumanaho (RITA).
• Inama y'Abaminisitiri yemeje bamwe mu bagize Inama y'Igihugu ishinzwe Impunzi basimbura abahinduriwe imirimo. Abo ni:
- RUTERA Huguette;
- Ambasaderi MUKANYANGE Joy;
- KANYANGE Anne Marie.
5. Inama y'Abaminisitiri yemeje :
a) gahunda y'amatora y'abayobozi b'inzego z'ibanze azaba mu mwaka wa 2006;
b) ivugururwa ry'ingingo zimwe na zimwe za :
- Itegeko n° 04/2001 ryo kuwa 13/01/2001 rishyiraho imitunganyirize n'imikorere y'Akarere nk'uko ryahinduwe kandi rikuzuzwa kugeza ubu.
- Itegeko N° 05/2001 ryo kuwa 18/01/2001 rishyiraho imitunganyirize n'imikorere y'Imijyi mu Rwanda nk'uko ryahinduwe kandi rikuzuzwa kugeza ubu.
- Itegeko N° 07/2001 ryo kuwa 19/01/2001 rishyiraho imitunganyirize n'imikorere y'Umujyi wa Kigali nk'uko ryahinduwe kandi rikuzuzwa kugeza ubu.
- Itegeko N° 42/2000 ryo kuwa 15/12/2000 rigenga amatora y'Abayobozi b'Inzego z ‘Ibanze mu Rwanda nk'uko ryahinduwe kandi rikuzuzwa kugeza ubu.
6. Inama y'Abaminisitiri yashyize mu Nama y'Ubutegetsi ya RIAM: SEBAHIZI Jules na MUVUNYI Emmanuel.
7. Inama y'Abaminisitiri yemeje iteka rya Minisitiri w'Intebe rigira NKUNDUMUKIZA Esdras, Umuyobozi w'Ikigo cya ONATRACOM.
8. Mu bindi:
a) Minisitiri w'Ibikorwa Remezo yamenyesheje Inama y'Abaminisitiri ko ku itariki ya 25/03/2005 imodoka za Leta zimaze kugurishwa mu cyamunara ari 284 ku mafaranga 1.687.370.000 Frw.
• Inama y'Abaminisitiri yasabye Umunyamabanga wa Leta ushinzwe Amazi na Mine muri Minisiteri y'Ubutaka, Ibidukikije, Amashyamba, Amazi na Mine na Minisitiri w'Ibikorwa Remezo kwihutisha umushinga w'amazi wo mu Bugesera n'umushinga w'umuhanda Kicukiro-Nemba igatangira gukora vuba.
• Umunyamabanga wa Leta ushinzwe Amahugurwa n'Umurimo muri Minisiteri y'Abakozi ba Leta, Amahugurwa n'Umurimo yamenyesheje Inama y'Abaminisitiri ko :
• I Kigali kuva kuwa 18 kugeza kuwa 20 Gicurasi 2005 hazabera inama ya PRODIAF (Programme de Dialogue Social en Afrique Francophone).
• Umunsi Mukuru w'Umurimo uba ku itariki ya 01 Gicurasi, ku rwego rw'Igihugu uzizihirizwa kuri Stade Régional i Nyamirambo. Insanganyamatsiko y'uyu mwaka ni : « Umurimo ubyara inyungu yo soko y'ubukungu nyakuri ».
• Umunyamabanga wa Leta ushinzwe Igenamigambi muri Minisiteri y'Imari n'Igenamigambi yamenyesheje Inama y'Abaminisitiri ko Minisiteri y'Imari n'Igenamigambi ifatanije na Banki Nkuru y'Igihugu bigiye gutangira ingendo mu Ntara basobanurira Abanyarwanda iby'ishoramari riciriritse.
• Umunyamabanga wa Leta ushinzwe Amazi na Mine muri Minisiteri y'Ubutaka, Ibidukikije, Amashyamba, Amazi na Mine yamenyesheje Inama y'Abaminisitiri ko Igishanga cya Rulindo cyaridutse, Inama y'Abaminisitiri isaba Minisiteri y'Ubuhinzi n'Ubworozi na Minisiteri y'Ubutaka, Ibidukikije, Amashyamba, Amazi na Mine gukora ibishoboka kugira ngo icyo gishanga gisubirane.