None ku wa kane tariki ya 02 Ukuboza
2004, Inama y’Abaminisitiri idasanzwe yateraniye muri Village
Urugwiro, iyobowe na Nyakubahwa Perezida wa Repubulika: Paul
KAGAME.
Imaze
kwemeza gahunda y’inama, Inama y'Abaminisitiri yafashe ibyemezo
bikurikira:
1.
Inama y’Abaminisitiri yemeje ibyemezo by’Inama y’Abaminisitiri
yo ku itariki ya 24/11/2004, imaze kubikorera
ubugororangingo.
2. Inama
y’Abaminisitiri yasuzumye inyandiko zizaganirwaho mu Nama
n’Abaterankunga/Development Partners Meeting/Réunion avec les
partenaires en développement izatangira ku itariki ya 8 ikarangira ku
ya 10 Ukuboza 2004.
3. Inama
y’Abaminisitiri yemeje umushinga w’itegeko ryerekeye
kwemeza no gushimangira amasezerano ku ngwate y’ubwishingizi bwa
gasutamo hagati y’ibihugu bigize umuryango wa
COMESA.
4. Inama
y’Abaminisitiri yemeje umushinga w’itegeko ryemerera
kwemeza burundu amasezerano y’impano yashyizweho umukono i Tunis muri
Tuniziya ku wa 13 Gicurasi 2004, hagati ya Repubulika y’u Rwanda
n’Ikigega Nyafurika Gitsura Amajyambere, yerekeranye n’impano ingana
na Miliyoni icyenda za «Unités de compte» (9.000.000 UC) agenewe
gahunda yo gutanga amazi meza no gutunganya isuku mu cyaro.
5.
Inama y’Abaminisitiri yemeje umushinga w’itegeko wemerera
kwemeza burundu (ratification) amasezerano ya COMESA ku bwisanzure
bw’urujya n’uruza rw’abantu, abakozi baciriritse, za serivisi,
uburenganzira bwo kuba no gutura aho ushatse mu bihugu bigize uwo
muryango (protocol on the Free Movement of Persons, Labour, Services,
the Rights of Etablishment and Residence/Protocole sur la Libre
Circulation des Personnes, de la Main d’œuvre, des Services, le Droit
d’Etablissement et de Résidence).
6.
Inama y’Abaminisitiri yagejejweho na Bwana Guverineri wa Banki
Nkuru y’u Rwanda aho imyiteguro yo gukoresha uburyo bushya bwo
kwishyura hadakoreshejwe amafaranga /carte de paiement/payment card
buzatangizwa n’isosiyeti yitwa SIMTEL. Inama
y’Abaminisitiri yashimye icyo gikorwa, isaba ko
cyihutishwa.
7.
Inama y’Abaminisitiri yashyize abayobozi mu myanya ku buryo
bukurikira :
- NSANZURWANDA Epimaque yagizwe Umukuru
w’Intara ya Kigali Ngari ;
- TUMUKUNDE Hope
yagizwe Umukuru w’Intara ya Butare ;
- SIMBURUDALI Théodore yagizwe Umukuru
w’Intara ya Gikongoro, bikazemezwa na SENA kubera ko atari
yarigeze yemezwa kuri uwo mwanya;
- KARABARANGA Pierre
yagizweUmunyamabanga Mukuru muri Minisiteri y’Urubyiruko, Umuco na
Siporo ;
- NYINAWUMUNTU KANIMBA Consolata
yagizwe Umuyobozi wungirije ushinzwe amasomo muri
KIE ;
- KAMBANDA Jeanine yagizwe Umujyanama
wa mbere muri Ambasade y’u Rwanda i
Bruxelles ;
- MAKUZA Michel yagizwe Umujyanama wa
mbere muri Ambasade y’u Rwanda i Tokyo ;
- SEBUDANDI Venantie yagizwe Umujyanama
wa mbere muri Ambasade y’u Rwanda i Paris ;
- UWIMANA Denys yagizwe Umujyanama wa
mbere muri Ambasade y’u Rwanda i Beijing ;
- KANGWAGYE Justus yagizwe
Umunyamabanga Nshingwabikorwa mu Ntara ya Kigali
Ngari.
8.
Mu bindi:
a)
Minisitiri
w’Ubutabera yamenyesheje Inama y’Abaminisitiri ko :
- ku itariki ya 09/12/2004 ari umunsi
mpuzamahanga wo kurwanya jenoside.
-
ku
itariki ya 10/12/2004 hazizihizwa umunsi mpuzamahanga w’uburenganzira
bwa Muntu.
b)
Minisitiri
w’Ubutegetsi bw’Igihugu, Imiyoborere Myiza, Amajyambere Rusange
n’Imibereho Myiza y’Abaturage yamenyesheje Inama
y’Abaminisitiri ko:
- kuva ku itariki ya 11 kugeza ku ya
17/12/2004 ari icyumweru cyo kurwanya ruswa.
-
ku
wa gatanu tariki ya 03/12/2004, ari umuganda mu tugari.
c) Minisitiri
w'uburinganire n'iterambere ry'umuryango yamenyesheje Inama
y'Abaminisitiri ko iminsi 16 yahariwe kwamagana ihohoterwa/"violence"
ry'umugore n'umwana izasozwa ku itariki ya 10/12/2004,ari nabwo
hazizihizwa
umunsi
mpuzamahanga w'uburenganzira bwa muntu.
d) Umunyamabanga wa Leta muri Minisiteri
y’Ubutegetsi bw’Igihugu, Imiyoborere Myiza, Amajyambere Rusange
n’Imibereho Myiza y’Abaturage, ushinzwe Amajyambere Rusange
n’Imibereho Myiza y’Abaturage yamenyesheje Inama y’Abaminisitiri ko ku
itariki ya 03/12/2004 ari umunsi w’abamugaye.
e) Umunyamabanga wa Leta muri Minisiteri
y’Uburezi, Ubumenyi, Ikoranabuhanga n’Ubushakashatsi, ushinzwe
Amashuri Abanza n’Ayisumbuye yamenyesheje Inama y’Abaminisitiri ko
kuva ku itariki ya 13 kugeza ku ya 18/12/2004 ari icyumweru cyo
kwigisha gusoma, kwandika no kubara (alphabétisation) ;
yayimenyesheje kandi ko ku itariki ya 09/12/2004 ari umunsi
w’umwarimu.