None kuwa kabiri tariki ya 05 Mata 2005, Inama y'Abaminisitiri idasanzwe yateraniye muri Village Urugwiro, iyobowe na Nyakubahwa Perezida wa Repubulika: Paul KAGAME.
Imaze kwemeza gahunda y'inama, Inama y'Abaminisitiri yafashe ibyemezo bikurikira:
• Inama y'Abaminisitiri yemeje ibyemezo by'Inama y'Abaminisitiri yo ku itariki ya 30/03/2005, imaze kubikorera ubugororangingo.
• Inama y'Abaminisitiri yemeje ko « Group BUGESTE » yemerewe kuzubaka uruganda rw'icyayi Nshili-Kivu, imishyikirano ku byerekeye gukodesha by'igihe kirekire (concession) imirima y'icyayi izakomeza hagati yayo na Leta y'u Rwanda.
• Inama y'Abaminisitiri yemeje umushinga w'itegeko rigenga Ikigo gishinzwe inguzanyo z'abanyeshuri (SFAR).
• Inama y'Abaminisitiri yemeje umushinga w'itegeko rishyiraho Komisiyo y'Igihugu yo Kurwanya Jenoside.
• Inama y'Abaminisitiri yemeje inyandiko ya politiki n'ingamba z'ubutabera mu Rwanda.
• Inama y'Abaminisitiri yemeje
• iteka rya Minisitiri w'Intebe rishyiraho umuyobozi wa ISAR,
Dr. CYUBAHIRO Marc BAGABE ;
• Iteka rya Minisitiri rishyiraho Umuyobozi wa IRST,
Dr. TWAGIRAMUNGU Herménegilde.
• Inama y'Abaminisitiri
• yashyizeho bamwe mu bagize Inama y'Ubutegetsi y'Ikigo cy'Igihugu cy'Ubuziranenge basimbura abahinduriwe imirimo, ari bo :
• Dr. KIMONYO Anastase, perezida ;
• NKUBANA John, umwe mu bagize Inama y'Ubutegetsi.
• Mu bindi
• Inama y'Abaminisitiri yamenyeshejwe ko Nyakubahwa Perezida wa Repubulika yoherereje ubutumwa bw'akababaro Leta ya Vatican kubera urupfu rwa Nyirubutungane Papa Yohani Pawulo wa II, kandi ko u Rwanda ruzahagararirwa na Minisitiri w'Ububanyi n'Amahanga n'Ubutwererane mu mihango yo kumushyingura.
• Minisitiri w'Urubyiruko, Umuco na Siporo yamenyesheje Inama y'Abaminisitiri ko
- itorero ry'Igihugu ryagiye muri Espagne rikegukana umwanya wa mbere mu bihugu 27 byari byitabiriye amahiganwa.
Inama y'Abaminisitiri yabyishimiye.
Yayimenyesheje kandi ko Perezida wa FIFA, Bwana Joseph BLATTER, azasûra u Rwanda ku itariki ya 14/4/2005, aje gutaha ishuri ry'umupira w'amaguru.
Yanibukije ko mu gihe cy'icyunamo ibintu byose bijyanye no kwishimisha n'imyidagaduro bihagarara.
• Umunyamabanga wa Leta muri Minisiteri y'Imari n'Igenamigambi ushinzwe Igenamigambi yamenyesheje Inama y'Abaminisitiri ko Abayobozi Bakuru ba za Gasutamo muri Afurika bazateranira mu nama i Kigali kuva ku itariki ya 18 kugeza ku ya 20 Mata 2005.
Kigali,
kuwa 05/04/2005.
Minisitiri
muri Primature ushinzwe Itangazamakuru