None ku wa gatatu tariki ya 10 Ugushyingo 2004,
Inama y’Abaminisitiri yateraniye muri Village Urugwiro, iyobowe na
Nyakubahwa Perezida wa Repubulika: Paul KAGAME.
Imaze
kwemeza gahunda y’inama, Inama y'Abaminisitiri yafashe ibyemezo
bikurikira:
1.
Inama y’Abaminisitiri yemeje ibyemezo by’Inama y’Abaminisitiri
yo ku itariki ya 03/11/2004, imaze kubikorera
ubugororangingo.
2.
Inama y’Abaminisitiri yemeje iteka rya Perezida rivuguruye
ryerekeye igihano nsimburagifungo cy’imirimo ifitiye Igihugu akamaro
(T.I.G).
3.
Inama
y’Abaminisitiri yemeje :
-
umushinga
w’itegeko ngenga rihindura kandi ryuzuza itegeko ngenga n°01/2004 ryo
kuwa 29/01/2004 rigena imitunganyirize, imikorere n’ububasha
by’Urukiko rw’Ikirenga.
-
umushinga
w’itegeko rivugurura itegeko n°06 bis/2004 ryo kuwa 14/04/2004 rigenga
abacamanza n’abakozi b’inkiko.
4.
Inama
y’Abaminisitiri yemeje :
- iteka rya Minisitiri rigena amagarama
y’urukiko mu manza z’inshinjabyaha.
- iteka rya Minisitiri rigena amagarama
y’urukiko mu manza z’imbonezamubano, iz’ubucuruzi, iz’umurimo
n’iz’ubutegetsi.
5.
Inama y’Abaminisitiri yemeje umukandida w’u Rwanda mu Rukiko
rwa COMESA : Prof.
Sam RUGEGE, Visi Perezida w’Urukiko rw’Ikirenga.
6.
Inama y’Abaminisitiri yemeje :
a)
Umushinga w’itegeko ryemerera kwemeza burundu amasezerano ya
Bamako abuza kuzana imyanda
ihumanya muri Afurika kandi agamije kugenzura uburyo iyo myanda
yambuka imipaka, n’icungwa ryayo muri Afurika.
b) Iteka
rya Perezida ryemeza kandi rihamya burundu amasezerano agamije
gukumira, kugenzura no kugabanya ikwirakwizwa ry’intwaro ntoya mu
Karere k’Ibiyaga Bigari no
mu Ihembe rya Afurika.
c)
Iteka rya Perezida ryemeza kandi rihamya burundu amasezerano ya
Pelindaba agamije kugira Afurika umugabane utarangwamo intwaro za
kirimbuzi/le Traité sur la Zone Exempte d’Armes Nucléaires en
Afrique/The African Nuclear-Weapon-Free Zone
Treaty.
7.
Inama y’Abaminisitiri yemeje raporo y’iseswa ry’Isanduku
y’Ukuzigama y’u Rwanda (Caisse d’Epargne du Rwanda : CER), ariko
abayifitiye umwenda
bagakomeza gukurikiranwa.
8. Mu
bindi:
a) Minisitiri
w’Ubuzima yamenyesheje Inama y’Abaminisitiri ko abashyitsi bagize Inama
y’Ubutegetsi y’Ikigega cyo kurwanya SIDA (Global Fund) bazagenderera u
Rwanda kuva ku itariki ya 14 kugeza ku ya 16/11/2004.
b) Minisitiri w’Uburezi, Ubumenyi,
Ikoranabuhanga n’Ubushakashatsi yamenyesheje Inama y’Abaminisitiri ko
i Kigali hazateranira inama y’Abaminisitiri b’uburezi ba Afurika kuva
ku itariki ya 16 kugeza kuya 19/11/2004.
c) Minisitiri w’Ububanyi n’Amahanga
n’Ubutwererane yamenyesheje Inama y’Abaminisitiri ko i Kigali habera
inama y’umutekano ihuje intumwa z’u Rwanda, n’iza Uganda kuva ku
itariki ya 10 kugeza kuya 11/11/2004.
d) Umunyamabanga
wa Leta muri Minisiteri y’Uburezi, Ubumenyi, Ikoranabuhanga
n’Ubushakashatsi, ushinzwe Amashuri Abanza n’Ayisumbuye yamenyesheje
Inama y’Abaminisitiri iby’urugendo yagiyemo gusura abarimu mu Ntara ya
Cyangugu, yabashimiye ibikorwa byiza bibaranga.
e) Umunyamabanga
wa Leta muri Minisiteri y’Ubutaka, Ibidukikije, Amashyamba, Amazi na
Mine, ushinzwe Amazi na Mine yamenyesheje Inama y’Abaminisitiri
imishinga yizwe mu rwego rwa NBI (Nile Basin Initiative), igamije
kongera ingufu mu bihugu byo mu karere u Rwanda
rurimo.
f) Umunyamabanga
wa Leta muri Minisiteri y’Imari n’Igenamigambi, ushinzwe Igenamigambi
yamenyesheje Inama y’Abaminisitiri aho imishyikirano n’abaterankunga
igeze ku bijyanye no gutangiza imihanda :
·
Gitarama
– Ngororero – Mukamira.
·
Kicukiro
– Nemba.