None
kuwa gatatu tariki ya 13 Kamena 2007, Inama y’Abaminisitiri
yateraniye muri Village Urugwiro, iyobowe na Nyakubahwa Perezida
wa Repubulika : Paul KAGAME.
Imaze kwemeza gahunda y’inama, Inama y'Abaminisitiri
yafashe ibyemezo bikurikira:
Inama y’Abaminisitiri yemeje imyanzuro
y’Inama y’Abaminisitiri yo ku itariki ya 30/05/2007,
imaze kuyikorera ubugororangingo.
Inama y’Abaminisitiri yemeje umushinga
w’itegeko rihindura kandi ryuzuza itegeko n° 53/2006
ryo kuwa 31/12/2006 rihyiraho ingengo y’imari ya Leta y’umwaka
wa 2007.
3. Inama y’Abaminisitiri yemeje umushinga
w’Itegeko ryemerera kwemeza amasezerano yashyizweho umukono
hagati ya Leta y’u Rwanda na “Investment Climate Facility
for Africa“.
Inama y’Abaminisitiri yagejejweho imishinga
2 mishya y’abashaka
gushora imari muri „methane gas“; abo ni Rwanda Investment
Group n’isosiyete y’Abadage W+S Beteiligungs AG. Inama
y’Abaminisitiri yemereye Minisiteri y’Ibikorwa Remezo
gukomeza imishyikirano n’abo bashoramari.
Inama y’Abaminisitiri yongereye igihe cy’amezi
6 akanama gashinzwe
kuvugurura amategeko y’ubucuruzi;
6. Inama y’Abaminisitiri yemeje Raporo
ya gatatu igenewe Komite y’Uburenganzira bwa Muntu y’Umuryango
w’Abibumbye (ONU/UN) ku burenganzira mu by’imbonezamubano
n’ibya politiki.
7. Inama y’Abaminisitiri yemeje ishyirwaho ry’abashinjacyaha
ku buryo bukurikira :
- Abashinjacyaha bafite ububasha mu Gihugu hose
:
UWIZEYE Jean Marie
BUNYOYE Grace
- Abashinjacyaha bayobora ubushinjacyaha ku Rwego
Rwisumbuye :
AFURIKA Frédéric
NIYONZIMA Vincent
- Abashinjacyaha bo ku Rwego Rwisumbuye :
NSENGIMANA Azarias
UWINEZA Grace
MUREKATETE Diane
URUJENI Rosine
NYIRARUKUNDO Julienne
- Abashinjacyaha bo ku Rwego Rw’ibanze:
RUGEMA Jean Claude
RUHAMIRIZA Josuë
8. Inama y’Abaminisitiri yemeje Iteka rya
Minisitiri rishyiraho ibiciro by’ibaruwa, karita y’iposita
na manda, kimwe n’ibiciro by’ibinyamakuru byoherezwa
mu iposita
9. Inama y’Abaminisitiri yemeje amabwiriza
ya MININTER yerekeye ibigo byigenga bikora akazi ko gucunga umutekano
w’abantu n’ibintu.
10. Inama y’Abaminisitiri yagejejweho raporo
y’aho ikibazo cy’inzuri n’amasambu byo muri
Gishwati no mu Ntara y’Iburasirazuba “progress report”.
11. Mu bindi
Minisitiri muri Perezidansi ya Repubulika yamenyesheje
Inama y’Abaminisitiri aho imyiteguro yo kwizihiza umunsi
mukuru wo kwibohoza uba ku itariki ya 04 Nyakanga igeze.
Minisitiri w’Ubutegetsi bw’Igihugu,
Imiyoborere Myiza, Amajyambere Rusange n’Imibereho Myiza
y’Abaturage yamenyesheje Inama y’Abaminisitiri ko
mu kwezi kwa karindwi hazaba isuzuma ry’ishyirwa mu bikorwa
ry’imihigo y’Uturere rikazabera ku Ntara.
Minisitiri w’Umutekano mu Gihugu yamenyesheje
Inama y’Abaminisitiri ko hari inama n’amahugurwa bizabera
i Kigali kuva tariki ya 25 kugeza ku ya 28 Kamena 2007 yerekeye
uburyo bwo kurwanya ikwirakwiza ry’intwaro ntoya mu Karere
u Rwanda rurimo.
Minisitiri w’Ingabo yagejeje ku Nama y’Abaminisitiri
raporo y’ubutumwa avuyemo mu nama ya “Tripartite Plus“
yabereye i Lubumbashi kuva ku itariki ya 5 kugeza ku itariki ya
7 Kamena 2007.
Umunyamabanga wa Leta muri MINALOC ushinzwe Amajyambere
Rusange n’Imibereho Myiza y’Abaturage yemenyesheje
Inama y’Abaminisitiri ko umunsi mukuru w’impunzi uzizihizwa
ku nshuro ya karindwi kuwa 20 kamena 2007 ku isi hose. Insanganyamatsiko
y’uwo munsi ni “Kubaha n’umuco w’amahoro“
(Respect and culture of peace/Le respect et la culture de la paix)
kuri uwo munsi hazaba amarushanwa ya « volley ball ».
Umunyamabanga wa Leta muri MINAFFET ushinzwe
Ubutwererane yamenyesheje Inama y’Abaminisitiri aho imyiteguro
yo kwinjira uri East African Community bigeze.
Umunyamabanga wa Leta muri MINAGRI ushinzwe Ubuhinzi
yamenyesheje Inama y’Abaminisitiri ko itsinda ry’abagize
« New Alliance for a Green Revolution (AGRA) » risura
u Rwanda kuva none ku itariki ya 13 kugeza ku ya 16 Kamena 2007.
Umunyamabanga wa Leta muri MINITERE ushinzwe
Ubutaka n’Ibidukikije yamenyesheje Inama y’Abaminisitiri
ko « East African Community Lake Victoria Basin Commission»
yatangijwe i Kisumu ku itariki ya 11/06/2007 ari naho hari icyicaro
cyayo.
Kigali, kuwa13/06/2007
Minisitiri muri Primature ushinzwe Itangazamakuru