None kuwa gatatu tariki ya 13 Nzeri 2006, Inama y'Abaminisitiri yateraniye muri Village Urugwiro, iyobowe na Nyakubahwa Minisitiri w'Intebe, Bernard MAKUZA.
Inama y'Abaminisitiri yatangiye yifuriza Nyakubahwa Perezida wa Repubulika ishya n'ihirwe mu mirimo ye kubera isabukuru y'imyaka itatu amaze atorewe kandi arahiriye kuyobora u Rwanda kuva ku itariki ya 12 Nzeri 2003, Abanyarwanda bamaze kumugirira icyizere bakamutora n'amajwi arenga 95%.
Imaze kwemeza gahunda y'inama, Inama y'Abaminisitiri yafashe ibyemezo bikurikira :
1. Inama y'Abaminisitiri yemeje ibyemezo by'Inama y'Abaminisitiri yo ku itariki ya 06/09/2006 imaze kubikorera ubugororangingo;
2. Inama y'Abaminisitiri yemeje umushinga w'itegeko rigenga Amabanki “Draft Banking Law/Projet de Loi Portant Organisation de l'Activité Bancaire”;
3. Inama y'Abaminisitiri yemeje umushinga w'itegeko rigena uburyo bwo gukoresha, kubungabunga, kurengera no gucunga umutungo w'amazi;
4. Inama y'Abaminisitiri yemeje Politiki y'Igihugu y'Umurimo.
5. Inama y'Abaminisitiri yemeje Politiki y'urubyiruko, iy'umuco n'iya siporo n'imyidagaduro.
6. Inama y'Abaminisitiri yujuje Inama z'Ubutegetsi z'amashuri makuru ku buryo bukurikira :
- UNR :
• Dr. RUTAGWENDA Théogène, perezida;
• Dr. GATABAZI Jean Damascène;
• NYIRAZIKWIYE Euphrasie;
• BAYIGAMBA Robert;
• Dr. RUHASHYANKIKO Jean François;
• Dr. BIRYABAREMA Michael;
• Dr. SHUMBUSHO Fabienne;
• Dr. KAYITESI Bernadette;
- KIST
• Dr. KABAYIJA Ephraim; perezida
• IYAMUREMYE Daniel;
• Dr. MIGABO Titus;
• MUKESHIMANA Geraldine;
• Dr. KARANGWA Aphrodis;
• KAYUMBA Eudes;
• TSHOTSHA Rose;
• O'KANE Marc.
7. Inama y'Abaminisitiri yemeje amateka akurikira :
a) Iteka rya Perezida rizamura ba Ofisiye babiri bisumbuye ba Polisi y'Igihugu ku ntera ya “Assistant Commissioner of Police”,
Abo ni :
- CSP. RUMANZI George;
- CSP. SHEMA Charles;
b) Iteka rya Perezida rizamura ba Ofisiye bisumbuye bane ba Polisi y'Igihugu ku ntera ya “Chief Superintendent”
Abo ni:
- Supt. GUMIRA Gilbert;
- Supt. GAKWAYA Emmanuel;
- Supt NTIRUSHWA Faustin;
- Supt MUKAMA Simon;
c) Iteka rya Minisitiri risezerera ba Su-ofisiye bane (04) n'Abapolisi babiri
(2) bato ba Polisi y'Igihugu.
Abo ni :
- C/SGT CYUBAHIRO Louis;
- C/SGT AKIBA Eric;
- CPL GAKUMBA Jean de Dieu;
- CPL RUDACOGORA Fred ;
- PC BADEGE Aloys;
- PC HABIYAMBERE Monique;
8. Inama y'Abaminisitiri yemeje ko aba bakurikira baba Abanyamabanga Bihariye:
a) MANIRABIZI Ayubu, Umunyamabanga Wihariye wa Minisitiri w'Umutekano mu Gihugu.
b) BYARUHANGA David, Umunyamabanga Wihariye w'Umunyamabanga wa Leta muri Minisiteri y'Ibikorwa Remezo ushinzwe Ingufu n'Itumanaho.
9. Inama y'Abaminisitiri yemeje ko Bwana Juan Carlos Cue VEGA ahagararira igihugu cye cya Mexico mu Rwanda , ku rwego rw'Ambasaderi, afite icyicaro i Nairobi ;
10. Mu bindi
- Minisitiri w'Ubutegetsi bw'Igihugu, Imiyoborere Myiza, Amajyambere Rusange n'Imibereho Myiza y'Abaturage yamenyesheje Inama y'Abaminisitiri ko itariki y'amatora y'Abadepite bahagarariye abagore mu Nteko Ishinga Amategeko yari ateganyijwe muri iyi minsi yigijweyo.
Yayimenyesheje kandi ko hazaba amatora yo gusimbura abahoze muri Njyanama y'Akarere ka Nyarugenge ku buryo bukurikira:
• Mu Mirenge abasimburwa baturukamo : 30/09/2006;
• Ku Karere ka Nyarugenge : 06/10/2006;
• Amatora ya Perezida wa Njyanama y'Umujyi wa Kigali : 16/10/2006;
- Minisitiri w'Urubyiruko, Umuco na Siporo yamenyesheje Inama y'Abaminisitiri ko mu mpera z'iki cyumweru hari irushanwa rw'amagare ryiswe “ Mountain bikes”, azabera mu Karere ka Karongi ;
Yayimenyesheje kandi ko kuva kuwa 17 kugeza kuwa 23/09/2006 hari amarushanwa mpuzamahanga ya “tennis”, azabera i Kigali .
- Minisitiri w'Imari n'Igenamigambi yamenyesheje Inama y'Abaminisitiri ko ku itariki ya 14/09/2006 hari inama izahuza Leta y'u Rwanda n'Abaterankunga ku ngengo y'imari.
- Minisitiri w'Ubutabera yamenyeshejwe Inama y'Abaminisitiri ikibazo cyavutse nyuma y'uko Bwana GAKWAYA Callixte uregwa icyaha cya jenoside afatiwe muri Tanzaniya hanyuma akarekurwa bisabwe na ICTR imukoresha; Inama y'Abaminisitiri yagaye imyifatire y'urwo Rukiko kuri icyo kibazo; icyemezo ndakuka cya Leta y'u Rwanda kizatangazwa mu minsi iri imbere.
- Minisitiri w'Umutekano mu Gihugu yamenyesheje Inama y'Abaminisitiri ko u Rwanda rwatorewe kuba mu bihugu 3 biri mu karere k'iburasirazuba bw'Afurika bizajya bigira inama inzego za polisi zo mu bihugu byo muri ako karere zigize Umuryango wa EAPCO.
- Umunyamabanga wa Leta ushinzwe Umurimo muri Minisiteri y'Abakozi ba Leta n'Umurimo yagejeje ku Nama y'Abaminisitiri intego y'igikorwa cyo gupima ku bushake agakoko gatera SIDA abakozi ba Leta; ibyo bizakorwa mu rwego rwo gukumira, kurwanya icyo cyorezo no guharanira kugira ubuzima bwiza ku murimo.
- Umunyamabanga wa Leta muri MINITERE ushinzwe Ubutaka n'Ibidukikije yagejeje ku Nama y'Abaminisitiri gahunda iteganyijwe ku itariki ya 16/09/2006 yo kwizihiza umunsi mpuzamahanga wa “Ozone” insanganyamatsiko y'uyu mwaka iti: “Fata neza akayunguruzo k'imirasire y'izuba maze urengere ubuzima ku isi ”
Kigali, kuwa 13/09/2006
Minisitiri
muri Primature ushinzwe Itangazamakuru