None kuwa mbere tariki ya 13 Ugushyingo 2006, Inama y'Abaminisitiri idasanzwe yateraniye muri Village Urugwiro, iyobowe na Nyakubahwa Perezida wa Repubulika : Paul KAGAME.
Imaze kwemeza gahunda y'inama, Inama y'Abaminisitiri yafashe ibyemezo bikurikira :
1. Inama y'Abaminisitiri yemeje ibyemezo by'Inama y'Abaminisitiri yo ku itariki ya 25/10/2006, imaze kubikorera ubugororangingo.
2. Inama y'Abaminisitiri yemeje Umushinga w'Itegeko rikumira kandi rihana iyezandonke no gutera inkunga iterabwoba /prevention of money laundering and financing of terrorism/prévention et répression du blanchiment des capitaux et du financement du terrorisme ».
3. Inama y'Abaminisitiri yemeje Umushinga w'Itegeko rishyiraho kandi rigena imitunganyirize n'imikorere y'Ikigo cy'Isesenguramakuru ku bijyanye n'imari/Draft law establishing and determining the organisation and functioning of the center for financial information processing .
4. Inama y'Abaminisitiri yemeje Umushinga w'Itegeko rirwanya iterabwoba / Draft Law on Counter Terrorism / Projet de Loi relative à la Lutte Contre le Terrorisme.
5. Inama y'Abaminisitiri yemeje Umushinga w'Itegeko rishyiraho rikanagena inshingano, imiterere n'imikorere by'Ikigo cy'Igihugu cyo gucunga no guteza imbere amashyamba.
6. Inama y'Abaminisitiri yemeje Umushinga w'Itegeko ryerekeye gukumira, gukurikirana no guhana ibikorwa by'icuruzwa ry'abantu.
7. Inama y'Abaminisitiri yemeje Umushinga w'Itegeko rigena inshingano, imiterere n'imikorere by'Inteko Nyarwanda y'Ururimi n'Umuco.
8. Inama y'Abaminisitiri yemeje ko ibirombe bya Redemi bivanwa ku rutonde rw'ibigurishwa abikorera binyuze muri Secrétariat ya Privatisation.
9. Inama y'Abaminisitiri yamenye shejwe aho gahunda yo kuvugurura Ikigega cy'Ingwate cy'Abagore igeze.
10. Inama y'Abaminisitiri yemeje ibiciro bishya by'amashanyarazi n'amazi bitangwa na Electrogaz ku buryo bukurikira :
- Igiciro cy'amashanyarazi (average tariff/tarif moyen) ni 112Frw/KWh hatarimo VAT ku bafatabuguzi bakoresha cash power na mubazi (compteur/meter). Ku bafatabuguzi basigaye, inganda na Electrogaz, igiciro kikaba 105Frw/KWh.
- Igiciro cy'amazi kizamuka ku buryo bukurikira :
Customers |
Blocks (m3) |
New tariff (RWF/m3) |
Borne Fontaine (BF)/Public Water Kiosks + Rural Customers |
0 – 5 |
240 |
Very small |
6 – 20 |
300 |
Small |
21 – 50 |
400 |
Medium |
51 – 100 |
650 |
Large |
101 – 500 |
740 |
Industries |
+ 500 |
593 |
Inama y'Abaministiri irihanangiriza abagurisha amazi kuri borne fontaine ko batagomba kwitwaza iri zamuka ry'ibiciro ngo bazamure ikiguzi basanzwe baka abavoma kuko gisanzwe kiri hejuru.
11. Inama y'Abaminisitiri yemeje ko Dr. Joseph FOUMBI ahagararira Ishami ry'Umuryango w'Abibumbye ryita ku Bana (UNICEF) mu Rwanda .
12. Inama y'Abaminisitiri yemeje ko :
a) Bwana RUTAGWENDA Jean Paul aba Umunyamabanga Wihariye wa Minisitiri w'Ubuhinzi n'Ubworozi:
b) Bwana MAZIMPAKA Jean Claude aba Umunyamabanga Wihariye wa Guverineri w'Intara y'Amajyepfo :
c) Bwana NKURUNZIZA David aba Umunyamabanga Wihariye wa Guverineri w'Intara y'Amajyaruguru.
d) Bwana MUKAMA Eugène aba Umunyamabanga Wihariye wa Guverineri w'Intara y'Iburasirazuba.
13. Inama y'Abaminisitiri yemeje gahunda yo guteza imbere urwego rw'imari/ Programme de développement du secteur financier/Financial sector development program.
14. Mu bindi :
- Inama y'Abaminisitiri yababajwe n'inkuru y'urupfu rwa Colonel KANYARENGWE Alexis wigeze kuyobora umuryango FPR Inkotanyi, yifatanya n'umuryango we muri ako kababaro.
- Nyakubahwa Perezida wa Repubulika yamenyesheje Inama y'Abaminisitiri iby'urugendo aherutsemo mu gihugu cy'Ubushinwa n'icy'Ubuyapani, aho yabonanye n'Abayobozi Bakuru b'ibyo bihugu. Inama y'Abaminisitiri yasabye Abaminisitiri bireba gukurikirana ibyavuye muri iyo mishyikirano, haba mu rwego rw'ishoramari, ubukerarugendo, urw'abikorera, n'izindi.
- Minisitiri w'Umutekano mu Gihugu yasabye Abayobozi b'inzego z'ibanze ko abimuka aho basanzwe batuye bakajya gutura ahandi mu gihugu bajya bubahiriza ibiteganywa n'amategeko.
- Minisitiri w'Ubuzima yamenyesheje Inama y'Abaminisitiri ko uwatorewe kuyobora OMS /WHO ari Dr Margaret CHAN ukomoka mu gihugu cy'Ubushinwa.
- Minisitiri w'Ubutegetsi bw'Igihugu, Imiyoborere Myiza, Amajyambere Rusange n'Imibereho Myiza y'Abaturage yamenyesheje Inama y'Abaminisitiri ko kuwa gatandatu tariki ya 25/11/2006 hazaba umuganda rusange nyuma yawo hakazaganirwa ku bubi bw'icyorezo cya SIDA no ku bindi bibazo by'ubuzima.
- Minisitiri w'Ibidukikije, Amashyamba, Amazi na Mine yamenyesheje Inama y'Abaminisitiri ko umunsi w'igiti muri uyu mwaka wa 2006 uzaba tariki ya 20 Ugushyingo. Mu rwego rw'Igihugu uwo munsi uzizihirizwa mu Ntara y'Iburasirazuba, Akarere ka Bugesera, Umurenge wa Kamabuye, akagari ka Biharagu. Kuri uwo munsi hazatangizwa icyumweru cy'igiti kizarangira kuwa 25/11/2006. Intumwa za Guverinoma zizayihagararira mu Turere twose muri icyo gikorwa cyo gutangiza icyumweru cy'igiti.
- Minisitiri w'Ubutabera yamenyesheje Inama y'Abaminisitiri ko i Kigali hubakwa inzu nshya y'Urukiko rw'Isumbuye aho Urukiko rwa Gisirikare rwakoreraga, Urukiko rwa Gisirikare rukazimukira ahandi.
- Umunyamabanga wa Leta muri Minisiteri y'Ubucuruzi, Inganda, Guteza Imbere Ishoramari, Ubukerarugendo n'Amakoperative ushinzwe Inganda no guteza imbere Ishoramari yamenyesheje Inama y'Abaminisitiri ko ku itariki ya 20/11/2006 ari Umunsi Nyafurika wo guteza imbere Inganda.
- Umunyamabanga wa Leta muri Minisiteri y'Ubuhinzi n'Ubworozi ushinzwe Ubuhinzi yemenyesheje Inama y'Abaminisitiri aho gahunda yo gukora indodo za ver à soie/silk worm igeze. Ku itariki ya 15/11/2006 hazerekanwa ibimaze kugerwaho.
Kigali, kuwa 13/11/2006
Minisitiri
muri Primature ushinzwe Itangazamakuru