None kuwa gatatu tariki ya 13 Ukuboza 2006, Inama y'Abaminisitiri yateraniye muri Village Urugwiro, iyobowe na Nyakubahwa Perezida wa Repubulika : Paul KAGAME.
Imaze kwemeza gahunda y'inama, Inama y'Abaminisitiri yafashe ibyemezo bikurikira:
1. Inama y'Abaminisitiri yemeje ibyemezo by'Inama y'Abaminisitiri byo ku matariki ya 13/11/2006 na 24/11/2006 imaze kubikorera ubugororangingo.
2. Inama y'Abaminisitiri yemeje Umushinga w'Itegeko ryemerera kwemeza burundu amasezerano y'impano yashyiriweho umukono i Tunis muri Tuniziya kuwa 30/10/2006, hagati y'u Rwanda n'u Burundi n'Ikigega Nyafurika Gitsura Amajyambere (African Development Fund) yerekeranye n'impano ingana na 30.200.000 UA/UC, agenewe umushinga w'umuhanda Kicukiro-Kirundo.
3. Inama y'Abaminisitiri yemeje Umushinga w'Itegeko Ngenga rishyiraho rikanagena imitunganyirize, imikorere, n'ububasha bw'inkiko z'ubucuruzi n'indi mishinga y'amategeko iwushamikiyeho ariyo :
- Umushinga w'Itegeko Ngenga rihindura kandi ryuzuza itegeko ngenga n° 07/2004 ryo kuwa 25/04/2004 rigena imiterere, imikorere n'ububasha by'inkiko;
- Umushinga w'Itegeko rihindura itegeko n° 18/2004 ryo kuwa 20/06/2004 ryerekeye imiburanishirize y'imanza z'imbonezamubano, iz'ubucuruzi, iz'umurimo n'iz'ubutegetsi;
- Umushinga w'Itegeko Ngenga rihindura kandi ryuzuza Itegeko n°01/2004 ryo kuwa 29/01/2004 rigena imitunganyirize, imikorere n'ububasha bw'Urukiko rw'Ikirenga;
- Umushinga w'Itegeko rihindura kandi ryuzuza Itegeko n° 06 bis/2004 ryo kuwa 14/04/2004 rigenga abacamanza n'abakozi b'inkiko.
4. Inama y'Abaminisitiri yemeje ko umushinga w'indangamuntu nshya ikoresha ikoranabuhanga mu itumanaho ICT ( Electronic National Identity Card) ushyirwa mu bikorwa.
5. Inama y'Abaminisitiri yemeje ko :
- Bwana Chirinsky Mirgaias MIRGAIASSOVITCH ahagararira igihugu cye cy' UBURUSIYA mu RWANDA ku rwego rwa Ambasaderi.
- Bwana Amour Zacarias KUPELA ahagararira igihugu cye cya MOZAMBIQUE mu RWANDA nka Ambasaderi, afite icyicaro i Dar es Salaam muri Tanzaniya.
- Madamu Annette NYEKAN, ahagararira ishami ry'Umuryango w'Abibumbye ryita ku Mpunzi (HCR) mu Rwanda .
6. Inama y'Abaminisitiri yashyize mu myanya Abayobozi ku buryo bukurikira :
a) Muri Perezidansi ya Repubulika:
- Maj Gen MUGAMBAGE Frank, Umuyobozi w'Ibiro bya Nyakubahwa Perezida wa Repubulika;
- Dr. KABAIJA Ephraim, Umujyanama Mukuru wa Nyakubahwa Perezida wa Repubulika (Senior Advisor);
b) Mu Rukiko rw'Ikirenga :
- TWAHIRWA Gervais, Umuyobozi wa « Unité de Gestion des Ressources Internes » mu Rukiko Rukuru wa Repubulika ;
- BAZIRAKE Consolée, Umuyobozi wa « Unité de Gestion des Ressources Internes » mu Rukiko Rwisumbuye rwa Gasabo ;
- NIYONGIRA Fidèle, Umuyobozi wa « Unité de Gestion des Ressources Internes » mu Rukiko Rwisumbuye rwa Karongi ;
- NIYONSENGA MWIMUKA, Umuyobozi wa « Unité de Gestion des Ressources Internes » mu Rukiko Rwisumbuye rwa Nyarugenge ;
- NKURANGA Aimable, Umuyobozi wa « Unité de Gestion des Ressources Internes » mu Rukiko Rwisumbuye rwa Rubavu ;
- MUSOKE Francis, Umuyobozi wa « Unité de Gestion des Ressources Internes » mu Rukiko Rwisumbuye rwa Rusizi ;
c) Muri MINAFFET :
- RWANGA Jean Marie, Umuyobozi wa « Unité Finance et Gestion des Ressources Internes ».
d) Muri MIJESPOC :
- UMWIZERWA Eugénie, Umuyobozi wa « Unité Finance et Gestion des Ressources Internes ».
e) Muri MINECOFIN :
- MUGIRANEZA Yussuf, Umuyobozi wa « Intergouvernmental fiscal Transfers » ;
- MUNYESHYAKA Vincent, Umuyobozi wa “Corporate Planning” ;
- MUSAFIRI Prosper, Umuyobozi wa “Macroeconomics”;
f) Mu rwego rw'Umuvunyi :
- RUTAREMARA Tito, Umuvunyi Mukuru ;
- MUKARURANGWA Immaculée, Umuvunyi Mukuru Wungirije (yongerewe mandat) ;
- NZINDUKIYIMANA Augustin, Umuvunyi Mukuru Wungirije ;
- MBARUBUKEYE François Xavier, Umunyamabanga Mukuru.
g) Urwego rw'Umubitsi w'impapuro mpamo z'Ubutaka/Office of the Registrar of Land Titles/Office du Conservateur des Titres Fonciers :
- Umubitsi : RURANGWA Eugène ;
- Ababitsi bungirije :
• DUSABE Goretti ;
• MUVARA Pothin ;
• MUKUNZI Emmanuel ;
- MUKAMANA Espérance ;
- MUNYANGAJU Damascène.
h) Muri RITA :
- MUYENZI Wilson, Umuyobozi wa e- Rwanda Project ;
- Dr. MASSI Raphael, Umuyobozi wa Computer Center.
i) Mu Ntara y'Iburengerazuba :
- NKURAYIJA RUCOGOZA Eduard, Umunyamabanga Nshingwabikorwa.
Mu bindi
- Minisitiri w'Uburezi yamenyesheje Inama y'Abaminisitiri ko Kalendari y'amashuri y'umwaka wa 2007 yakozwe.
Igihembwe cya mbere kizatangira ku itariki ya 8 Mutarama kirangire ku itariki ya 30 Werurwe 2007.
- Minisitiri w'Ubuzima yamenyesheje Inama y'Abaminisitiri ko u Rwanda rwabonye igihembo cya « 2006 Task Force on Immunisation for African » cyo gukingira abantu.
- Umunyamabanga wa Leta muri MININFRA ushinzwe Ingufu n'Itumanaho yamenyesheje Inama y'Abaminisitiri ibimaze kugerwaho n'umushinga wa Kalisimbi mu rwego rw'itumanaho n'ikoranabuhanga.
- Umunyamabanga wa Leta muri MINISANTE ushinzwe Kurwanya SIDA n'Izindi Ndwara z'Ibyorezo yamenyesheje Inama y'Abaminisitiri ko ejo kuwa 14/12/2006 i Washington hazatangizwa umushinga w'impano yo kurwanya malariya witiriwe Perezida George W. Bush. U Rwanda ruri mu bihugu bizabona kuri iyo mpano.
- Umunyamabanga wa Leta muri MINAFFET ushinzwe Ubutwererane yagejeje ku Nama y'Abaminisitiri inyandiko isoza inama ya 8 y'Abakuru b'Ibihugu bya East African Community, yabaye ku itariki ya 30/11/2006 muri Tanzaniya (Arusha).
Kigali, kuwa 13/12/2006
Minisitiri
muri Primature ushinzwe Itangazamakuru