None ku wa gatatu
tariki ya 15 Nzeri 2004, Inama y’Abaminisitiri yateraniye muri Village
Urugwiro, iyobowe na Nyakubahwa Perezida wa Repubulika: Paul
KAGAME.
Imaze
kwemeza ibyari ku murongo w'ibyigwa, Inama y'Abaminisitiri yafashe
ibyemezo bikurikira:
1.
Inama y’Abaminisitiri yemeje imyanzuro y’ibyemezo by’Inama
y’Abaminisitiri yo ku itariki ya 02/09/2004, imaze kuyikorera
ubugororangingo.
2.
Inama y’Abaminisitiri yemeje :
i)
umushinga w’itegeko ryerekeye imisoro itaziguye ku nyungu/Draft
Law on Income Tax/Projet de loi relative aux impôts sur le revenu;
ii)
umushinga w’itegeko rigenga imitunganyirize y’isoresha/Draft
Law on Income tax Procedures/Projet de loi relative aux procédures
fiscales ;
iii)
umushinga w’itegeko ryerekeye imikorere ya Gasutamo/Draft law
establishing the customs Law/Projet de loi relative à la législation
douanière ;
3.
Inama y’Abaminisitiri yemeje imirongo mikuru y’ingengo y’imari
ya Leta izakurikizwa mu myaka 2005-2007 : (Document de Cadrage
budgétaire 2005-2007/Budget Framework paper
2005-2007).
Hazitabwaho cyane cyane kuzamura umusaruro mu buhinzi, gukemura
ikibazo cy’ingufu no kongera ibicuruzwa byoherezwa mu
mahanga.
4.
Mu bindi.
a)
Minisitiri
w’Ingabo yagejeje ku Nama y’Abaminisitiri:
-
iby’ubutumwa yagiyemo mu gihugu cya Pologne/Poland kuva ku
itariki ya 30 Kanama kugeza ku ya 3 Nzeri 2004 mu rwego
rw’akazi.
-
imyanzuro y’Inama y’Abaminisitiri b’Ingabo n’Umutekano ba
Afurika y’Uburasirazuba yabereye i Kigali kuva ku itariki ya 9 kugeza
ku ya 10 Nzeri 2004, yasuzumye ibijyanye no gushyiraho «Eastern Africa
Standby Brigade/Brigade en Attente de l’Afrique
Orientale».
b) Minisitiri
w’Ububanyi n’Amahanga n’Ubutwererane yamenyesheje Inama
y’Abaminisitiri ko mu rwego rwa RWATAFA (RWANDA TANZANIA Friendship
Association) hari intumwa zizava muri Tanzaniya zigendereye u Rwanda
kuva ku itariki ya 16 kugeza ku ya 19 Ukwakira 2004. Zizaba
zije mu muhango wo kwibuka imyaka itanu Nyakwigendera Mwalimu Julius
Nyerere amaze yitabye Imana.