None kuwa gatanu tariki ya 16 Ukuboza 2005, Inama y'Abaminisitiri idasanzwe yateraniye muri Village Urugwiro, iyobowe na Nyakubahwa Perezida wa Repubulika, Paul KAGAME.
Imaze kwemeza gahunda y'inama, Inama y'Abaminisitiri yafashe ibyemezo bikurikira :
1. Inama y'Abaminisitiri yemeje ibyemezo by'Inama y'Abaminisitiri byo ku itariki ya 07/12/2005, imaze kubikorera ubugororangingo.
2. Inama y'Abaminisitiri yemeje :
- Iteka rya Perezida rizamura mu ntera ba Ofisiye ba Polisi y'Igihugu ribashyira ku ipete rya Superintendent, Chief Inspector, Inspector, na Assistant Inspector ;
i) Aba Ofisiye 66 bafite ipeti rya Chief Inspector bazamuwe mu ntera ku ipeti rya Superintendent ;
ii) Aba Ofisiye 47 bafite ipeti rya Inspector bazamuwe mu ntera ku ipeti rya Chief Inspector;
iii) Aba Ofisiye 121 bafite ipeti rya Assistant Inspector bazamuwe mu ntera ku ipeti rya Inspector;
iv) Aba Ofisiye 7 bafite ipeti rya Assistant Inspector bazamuwe mu ntera ku ipeti rya Chief Inspector.
v) Umupolisi muto umwe ufite ipeti rya C-SGT yazamuwe mu ntera ku ipeti rya Inspector ;
vi) Abapolisi bato 2 bafite ipeti rya SGT bazamuwe mu ntera ku ipeti rya Assistant Inspector;
vii) Abapolisi bato babiri bafite ipeti rya CPL bazamuwe mu ntera ku ipeti rya Assistant Inspector;
viii) Abapolisi bato babiri bafite ipeti rya PC bazamuwe mu ntera ku ipeti rya Assistant Inspector;
- Iteka rya Minisitiri rizamura mu ntera ba Su-Ofisiye n'Abapolisi bato, ribashyira ku ipeti rya Chief Sergent, Staff Sergent, Sergent na CPL.
i) Abapolisi 21 bafite ipeti rya SGT bazamuwe mu ntera ku ipeti rya C-SGT
ii) Abapolisi 8 bo ku rwego rwa CPL bazamuwe mu ntera ku ipeti rya C-SGT
iii) Abapolisi 3 bo ku rwego rwa PC bazamuwe mu ntera ku ipeti rya C-SGT
iv) Abapolisi 11 bo ku rwego rwa CPL bazamuwe mu ntera ku ipeti rya C-SGT
v) Abapolisi 10 bo ku rwego rwa PC bazamuwe mu ntera ku ipeti rya SGT
vi) Abapolisi 127 bo ku rwego rwa PC bazamuwe mu ntera ku ipeti rya CPL.
- Iteka rya Minisitiri rishyiraho amabwiriza yerekeranye n'amakosa, ibihano by'imyifatire n'isuzuma ryabyo muri Polisi y'Igihugu
- Iteka rya Perezida risezerera ku bushake bwe umwofisiye wo mu rwego rwisumbuye : NP00024SUPT Antony BUTERA ;
- Iteka rya Minisitiri risezerera ku bushake bwabo aba su-ofisiye babiri n'umupolisi muto umwe :
a) Ba su-ofisiye :
• NP00310SGT SINAYOBYE Gaston
• NP01777CPL NYANDWI Uzziah
b) Umupolisi muto :
• NP01724PC MUDAHERANWA Damas
• Iteka rya Minisitiri rishyira mu zabukuru su-ofisiye n'abapolisi bato :
a) Su-Ofisiye :
• NP00327SGT NDAYISHIMYE Jovin
b) Abapolisi bato :
• NP01994PC UTAMUZI Hyppolite
• NP02064PC NGARAMBE Mugabe Georges
• NP03281PC MUKABATSINDA Marie Gorethi
3) Inama y'Abaminisitiri yemeje Iteka rya Minisitiri rigena uburyo Komite Nyobozi z'Inteko z'Inama y'Igihugu y'Abagore zihuzwa ku rwego rw'Imirenge, Uturere, Intara n'Umujyi wa Kigali.
4) Inama y'Abaminisitiri yemeje Politiki y'Igihugu y'Umuryango.
5) Inama y'Abaminisitiri yemeje Iteka rya Minisitiri ryemeza inyigisho n'impamyabumenyi mu Ishami ry'Imbonezamubano rya Kaminuza Yigenga ya Kigali « ULK ». (Faculté des Sciences Sociales/ Faculty of Social Sciences).
6) Inama y'Abaminisitiri yashyizeho Abakuru b'Intara, Abayobozi b'agateganyo ku rwego rw'Intara, urw'Uturere n'urw'Imirenge. Amazina yabo azatangazwa ku itariki ya 02 Mutarama 2006.
7) Mu bindi
a) Inama y'Abaminisitiri yishimiye ko Inama ya gatatu y'Umushyikirano yagenze neza, ikaba ishima abayigizemo uruhare bose.
b) Inama y'Abaminisitiri yamaganye abantu baca ku mabwiriza yo gukumira uburenge mu Ntara y'Umutara, inibutsa ko abazafatwa bazahanwa by'intangarugero.
c) Minisitiri w'Urubyiruko, Umuco na Siporo yamenyesheje Inama y'Abaminisitiri ko u Rwanda rwagize umwanya mwiza mu mikino ngororamubiri ibera i Niamey mu gihugu cya Niger, ihuje ibihugu bihuriye ku rurimi rw'igifaransa : Dieudonné DISSI yabonye umudari wa zahabu yirutse metero ibihumbi 10 abona n'uwa « bronze » amaze kwiruka metero ibihumbi 5.
d) Minisitiri muri Primature ushinzwe Iterambere ry'Umuryango n'iry'Uburinganire yamenyesheje Inama y'Abaminisitiri ko ku itariki ya 19 Murama 2006 hazaba ihuriro ry'abana.
e) Minisitiri w'Uburezi, Ubumenyi, Ikoranabuhanga n'Ubushakashatsi yamenyesheje Inama y'Abaminisitiri ko umwaka w'amashuri 2006 uzatangira ku Itariki ya 09 Murama 2006 ku banyeshuri bo mu mashuri y'incuke, abanza n'ayisumbuye.
Kigali, kuwa 16/12/2005
Minisitiri
muri Primature ushinzwe Itangazamakuru