None kuwa gatatu tariki ya 19 Gicurasi 2006, Inama Idasanzwe y'Abaminisitiri yateraniye muri Village Urugwiro, iyobowe na Nyakubahwa Perezida wa Repubulika, Paul KAGAME.
Imaze kwemeza gahunda y'inama, Inama y'Abaminisitiri yafashe ibyemezo bikurikira :
1.Inama y'Abaminisitiri yemeje ibyemezo by'Inama y'Abaminisitiri yo ku itariki ya 12/04/2006 imaze kubikorera ubugororangingo.
2. Inama y'Abaminisitiri yemeje :
a) Imishahara mu bigo bya Leta, muri za Komisiyo, muri za Kaminuza n'Amashuri Makuru;
b) Imishahara mu rwego rw'ubuvuzi.
3. Inama y'Abaminisitiri yemeje:
a) Gahunda n'inyigo ku gishushanyo mbonera (Master Plan) yo kuhira imyaka (irrigation);
b) Gahunda n'ingamba zo korohereza abaturage kubona amafumbire mvaruganda (fertilizers) yo kongera umusaruro.
4. Inama y'Abaminisitiri yemeje umushinga w'itegeko rigena imiterere n'imikorere ya Komisiyo y'Igihugu y'Ubumwe n'Ubwiyunge.
5. Inama y'Abaminisitiri yemeje Iteka rya Minisitiri w'Intebe rivugurura imikorere y'Akanama gashinzwe kuvugurura amategeko y'ubucuruzi; yemeje kandi ko umwe mu bagize ako Kanama wahawe indi mirimo asimburwa.
6. Inama y'Abaminisitiri yemeje ko u Rwanda ruzaba umukandida ku mwanya w'umwe mu bagize Inama Nyobozi y'Umuryango Mpuzamahanga w'Itumanaho ITU/UIT:
8. Mu bindi:
- Minisitiri w'Ubucuruzi, Inganda, Guteza Imbere Ishoramari, Ubukerarugendo n'Amakoperative yibukije ko ku matariki ya 22 na 23/05/2006 i Kigali hari inama mpuzamahanga ku ishoramari mu Rwanda ;
Yamenyesheje kandi ko u Rwanda ruzitabira imurikagurisha rizabera mu Budage mu gihe cy'amarushanwa yo gukinira igikombe cy'isi y'umupira w'amaguru (Mondial 2006).
- Minisitiri w'Ubutabera yashyikirije Inama y'Abaminisitiri urutonde rw'agateganyo rw'abari mu rwego rwa mbere rw'abaregwa jenoside yabaye mu Rwanda mu 1994.
- Umunyamabanga wa Leta ushinzwe Kurwanya SIDA n'izindi Ndwara z'Ibyorezo muri Minisiteri y'Ubuzima yamenyesheje Inama y'Abaminisitiri ko ku itariki ya 23/05/2006 I Kigali hazaba itangizwa ku mugaragaro rya Great Lakes Initiative on AIDS (GLIA).
Kigali, kuw19/05/2006
Minisitiri
muri Primature ushinzwe Itangazamakuru