None kuwa gatatu tariki ya 22 Werurwe 2006, Inama y'Abaminisitiri yateraniye muri Village Urugwiro, iyobowe na Nyakubahwa Perezida wa Repubulika, Paul KAGAME.
Atangiza inama, Nyakubahwa Perezida wa Repubulika yifurije ikaze abagize Guverinoma bashya, anabaha amabwiriza azabafasha gutunganya imirimo yabo bagamije mbere na mbere kwita ku cyagirira akamaro abaturarwanda.
Imaze kwemeza gahunda y'inama, Inama y'Abaminisitiri yafashe ibyemezo bikurikira :
1. Inama y'Abaminisitiri yemeje ibyemezo by'Inama y'Abaminisitiri yo ku itariki ya 15/03/2006 imaze kubikorera ubugororangingo.
2. Inama y'Abaminisitiri yemeje inyigisho nshya zo mu cyiciro cya « Post graduate » n'izo mu cyiciro cya « Undergraduate » muri Kaminuza y'u Rwanda mu bice bitandukanye ari byo :
a) Programme de Mastère en Ressources en Eau et Gestion de l'Environement /Masters Program in Water resources and Environmental Management.
b) Programme de mastère en Agroforesterie et Gestion des Sols/Post-graduate in Agroforestry and Soil Management.
c) Programme de mastère en Santé Publique, option : Epidémiologie/Masters program in Public Health-Epidemiology.
d) Programme de mastère en Psychologie Clinique et Thérapeutique/Masters program in Clinical Psychology and Therapeutics.
e) Programme de mastère en Droit des Affaires/Masters program in Business Law.
f) Programme de mastère en Economie/Masters program in Economics.
g) Programme de Licence en Planification Urbaine et Gestion Foncière/Bachelor's Degree Urban Planning and Land Administration.
h) Programme de Licence en Statistique Apliquée/Bachelor's Degree in Applied Statistics.
i) Programme de Licence en Nutrition Humaine/Bachelor's Degree in Human Nutrition.
Yasabye Kaminuza y'u Rwanda guteganya uko zizakomeza kwigishwa nyuma y'imyaka ine iteganyijwe (sustainability).
3. Inama y'Abaminisitiri yemeje umushinga w'itegeko rigena ishyirwaho ry'ikigo cy'Ubugenzuzi Bukuru bw'Uburezi/Inspection Générale de l'Education/ Inspectorate General of Education.
4. Inama y'Abaminisitiri yemeje umushinga w'itegeko rigena ishyirwaho ry'Ikigo cy'Igihugu gishinzwe Integanyanyigisho/Centre National de Développement des Programmes / National Curriculum Development Center
5. Inama y'Abaminisitiri yemeje ko hatangizwa mu rwego rw'Igihugu gukora igishushanyo mbonera cy'imikoreshereze n'imitunganyirize y'ubutaka kandi bigahera mu Ntara y'Iburasirazuba .
6. Inama y'Abaminisitiri yemeje ko ha shyirwaho "Task Force" ya "Land Reform"/Réforme Foncière.
7. Inama y'Abaminisitiri yemeje ko Prof. Gerda SIANN ahagararira inyungu z'u Rwanda muri Scotland/Ecosse ku rwego rwa Konsuli w'Icyubahiro/Consul Honoraire/ Honorary Consul.
8. Inama y'Abaminisitiri yashyize abayobozi mu myanya ku buryo bukurikira :
- Dr. NSENGIMANA Joseph : Ambasaderi w'u Rwanda mu Muryango w'Abibumbye, New York;
- NZINDUKIYIMANA Augustin: Umunyamabanga Uhoraho/Secrétaire Permanent mu Biro by'Umuvunyi;
- SEMUKANYA Antoine: Umunyamabanga Nshingwabikorwa Wungirije w'Ikigo cy'Igihugu gishinzwe kurwanya SIDA (CNLS);
- NIYONSABA Ephrem: Umuyobozi wa OCIR-CAFE.
9. Mu bindi:
- Inama y'Abaminisitiri yasabye itsinda ry'Abaminisitiri rishinzwe gukurikirana iby'indwara y'ibicurane by'ibiguruka gukurikiranira hafi iby'iyo ndwara no gukora ibishoboka byose kugira ngo ikumirwe, kandi bisobanurirwe abaturarwanda.
- Inama y'Abaminisitiri yasabye Minisiteri y'Ibikorwa Remezo na Minisiteri y'Ingabo gusana ku buryo bwihuse iteme ryo ku kagezi ka Kadiridimba mu Karere ka Kayonza, ku muhanda ujya Rwinkwavu.
- Minisitiri w'Ubutegetsi bw'Igihugu, Imiyoborere Myiza, Amajyambere Rusange n'Imibereho Myiza y'Abaturage yamenyesheje Inama y'Abaminisitiri ko ku itariki ya 04 Mata 2006 hari isinywa ry'amasezerano y'imihigo/contrat de performance/ performance contract hagati ya Nyakubahwa Perezida wa Repubulika n'Abayobozi b'Uturere n'Umujyi wa Kigali.
- Minisitiri w'Ubucuruzi, Inganda, Guteza Imbere Ishoramari, Ubukerarugendo n'Amakoperative yamenyesheje Inama y'Abaminisitiri ko Umuyobozi wo muri Leta Zunze Ubumwe za Amerika ushinzwe ubucuruzi mu karere ka Afurika ko munsi y'ubutayu bwa Sahara (Regional Director of Sub-Saharan Africa for United States Trade Development Agency), yatangiye uruzinduko mu Rwanda kuva ku itariki ya 21 akazarusoza ku ya 25/03/2006.
Kigali, kuwa 22/03/2006
Minisitiri
muri Primature ushinzwe Itangazamakuru