None kuwa gatatu tariki ya 23 Ugushyingo 2005, Inama y'Abaminisitiri yateraniye muri Village Urugwiro, iyobowe na Nyakubahwa Perezida wa Repubulika, Paul KAGAME.
Imaze kwemeza gahunda y'inama, Inama y'Abaminisitiri yafashe ibyemezo bikurikira :
1. Inama y'Abaminisitiri yemeje ibyemezo by'Inama y'Abaminisitiri byo ku matariki ya 02/11/2005 na 04/11/2005 imaze kubikorera ubugororangingo.
2. Inama y'Abaminisitiri yemeje inyandiko ku mishinga ikurikira yerekeranye no kwegurira abikorera ku giti cyabo bimwe mu bigo bya Leta :
a) Kugurisha imigabane ingana na 2,43% Leta y'u Rwanda ifite muri Hôtel des Mille Collines yaguzwe na Bwana Miko RWAYITARE ;
b) Kugurisha Gorillas Hotel, Hôtel Regina yo ku Gisenyi ;
c) Kugurisha ikibanza cy'ahahoze hari Hôtel Kiyovu ;
d) Gushyira Hôtel URUMURI LODGE y'i Byumba ku rutonde rw'ibigo byo kwegurirwa abikorera ku giti cyabo;
e) Guha Secrétariat ya Privatisation uburenganzira bwo kugirana imishyikirano n'Abanyarwanda bashaka kugura inganda z'icyayi za Rubaya na Nyabihu;
f) Kugurisha imigabane ingana na 51% Leta y'u Rwanda ifite muri Rwandex s.a;
g) Kuvana ikigo CNPE Kabuye (igipande cyo kororeramo ingurube) ku rutonde rw'ibigo byo kwegurirwa abikorera ku giti cyabo;
3. Inama y'Abaministiri yemeje imishinga y'amategeko ajyanye n'ubutabera (ubucamanza n'ubushinjacyaha) ikurikira:
- Umushinga w'Itegeko ngenga rihindura kandi ryuzuza itegeko ngenga n°22/2004 ryo kuwa 13/08/2004 rishyiraho amategeko ngengamikorere y'abashinjacyaha n'abakozi bo mu bushinjacyaha ;
- Umushinga w'Itegeko ngenga rihindura kandi ryuzuza itegeko n° 18/2004 ryo kuwa 20/06/2004 ryerekeye imiburanishirize y'imanza z'imbonezamubano, iz'ubucuruzi, iz'umurimo n'iz'ubutegetsi ;
- Umushinga w'Itegeko rihindura kandi ryuzuza itegeko n° 13/2004 ryo kuwa 17/05/2004 ryerekeye imiburanishirize y'imanza z'inshinjabyaha.
4. Inama y'Abaminisitiri yemeje Umushinga w'Itegeko ngenga ku myitwarire y'abayobozi mu nzego za Leta.
5. Inama y'Abaminisitiri yemeje ko:
- Bwana Raymond Serge BALE ahagararira igihugu cye cya Congo-Brazzaville mu Rwanda ku rwego rwa Ambasaderi, afite icyicaro Addis-Abeba;
- Bwana Sibabrata TRIPATHI ahagararira igihugu cye cy'Ubuhindi mu Rwanda ku rwego rwa Ambasaderi, afite icyicaro i Kampala ;
- Bwana Antonio Jose REZENDE DE CASTRO ahagararira igihugu cye cya Brésil mu Rwanda , afite icyicaro i Naïrobi;
- Bwana Hassan Ibrahim GADKARIM ahagararira igihugu cye cya Sudani mu Rwanda , afite icyicaro i Kampala ;
Madamu Elizabeth BALEPA BIKAI ahagararira Umuryango w'Abibumbye wita ku biribwa no ku buhinzi (FAO) mu Rwanda .
6. Inama y'Abaminisitiri yemeje amateka akurikira:
- Amateka ya Minisitiri w'Intebe ashyira mu kiruhuko cy'izabukuru Bwana NYANDWI Tharcisse, Bwana MUGENZI Augustin na Bwana MWANAFUNZI Bruno;
- Amateka ya Minisitiri w'Intebe asezerera mu bakozi ba Leta Bwana KARAMBIZI Grégoire na Bwana MUNYANSANGA G. Patrick;
7. Inama y'Abaminisitiri yashyize mu myanya abayobozi bakurikira muri MINALOC:
- Bwana KAMPAYANA Augustin, umuyobozi ushinzwe Ubutegetsi bw'IgIhugu (Territorial Administration/ Administration Territoriale) ;
- Bwana SEMUKANYA BWOJO Antoine, umuyobozi ushinzwe Amajyambere Rusange (Community Development/ Développement Communautaire).
8. Inama y'Abaminisitiri yemeje ko :
- CP Ephraim RURANGWA avanywe muri Polisi y'Igihugu akajya mu Ngabo z'Igihugu ku ipeti rya Colonel ;
- ACP Emmanuel BAYINGANA avanywe muri Polisi y'Igihugu akajya mu Ngabo z'Igihugu ku ipeti rya Lt Colonel.
9. Inma y'Abamini sitiri yemeje ko bamwe mu ba Ofisiye Bakuru n'umu Ofisiye Muto bazamuwe ku ipeti ku buryo bukurikira:
a) Ba Colonel bazamuwe ku ipeti rya Brigadier General :
1. Col Eric MUROKORE;
2. Col John BAGABO;
3. Col Augustin TURAGARA;
4. Col Muganga MUBARAKA;
5. Col Richard RUTATINA;
6. Col alex IBAMBASI;
7. Col Geoffrey BYEGEKA;
8. Col Augustin GASHAIJA;
9. Col Frank KAMANZI MUSHYO;
10. Col Wilson GUMISIRIZA;
11. Col Norbert KARIMBA;
12. Col Steven KARYANGO.
13. Col Jacques MUSEMAKWERI;
14. Col Dan GAPFIZI;
15 Col Jérôme NGENDAHIMANA;
b) Ba Lt Colonel bazamuwe ku ipeti rya Colonel:
1. Lt Col John Gashaija BAGIRIGOMWA;
2. Lt Col Aloys MUGANGA;
3. Lt Col Munyaneza MUZUNGU;
4. Lt Col Emmanuel KAREMERA;
5. Lt Col Andrew KAGAME;
6. Lt Col Emmy RUVUSHA;
7. Lt Col Denis RUTAHA;
.8 Lt Col John Bosco RUTIKANGA;
9. Lt Col Michael NKURUNZIZA;
10. Lt Col Eugène NKUBITO;
11. Lt Col Jean Damascène SEKAMANA;
12. Lt Col Charles KARAMBA ;
13. Lt Col Tom BYABAGAMBA ;
14. Lt Col Firmin BAYINGANA ;
.15 Lt Col André HABYARIMANA ;
16. Lt Col Evariste MURENZI ;
c) Capt Christopher BIZIMUNGU azamuwe ku ipeti rya Major.
10. Inama y'Abaminisitiri yemeje umushinga w'itegeko risaba kwemeza burundu amasezerano y'impano ya Miliyoni 55 USD Banki y'Isi yageneye u Rwanda mu gushyira mu bikorwa gahunda yo kurwanya ubukene.
11. Mu bindi :
- Minisitiri w'Uburezi, Ubumenyi, Ubushakashatsi n'Ikoranabuhanga yamenyesheje Inama y'Abaminisitiri iby'ubutumwa yagiyemo i Tunis muri Tuniziya kuva ku itariki ya 16 kugeza kuya 19/11/2005 ari mu ntumwa zari ziherekeje Nyakubahwa Perezida wa Repubulika mu Nama Mpuzamahanga y'Abakuru b'Ibihugu n'aba za Guverinoma ku bijyanye n'ikoranabuhanga mu itumanaho (World Summit on Information Society/Sommet Mondial sur la Société de l'Information);
- Minisitiri w'Urubyiruko, Umuco na Siporo yamenyesheje Inama y'Abaminisitiri ko imikino ya CECAFA izatangira i Kigali kuwa gatandatu, tariki ya 25/11/2005
Yayimenyesheje kandi ko muri iki gihe mu Rwanda hari imikino ya Golf yo mu rwego rwa East African Challenge
- Minisitiri w'Umutekano mu Gihugu yamenyesheje Inama y'Abaminisitiri ko ku itariki ya 25/11/2005 i Gishari hazaba umuhango wo kurangiza inyigisho kw'abazinjizwa mu Gipolisi.
- Minisitiri muri Primature ushinzwe Iterambere ry'Umuryango n'iry'Uburinganire yamenyesheje Inama y'Abaminisitiri ko kuwa gatanu tariki ya 25/11/2005 i Kigali muri Hôtel NOVOTEL Umubano hazatangizwa igikorwa cyiswe icy'iminsi 16 cyo kurwanya ihohoterwa ry'abana n'abagore.
- Umunyamabanga wa Leta Ushinzwe Kurwanya SIDA n'Izindi Ndwara z'Ibyorezo muri MINISANTE yamenyesheje Inama y'Abaminisitiri ko ku itariki ya 26/11 ari umunsi wo kuzirikana ku bubi bw'icyorezo cya SIDA, asaba Abayobozi bazaba bari mu muganda mu Ntara zitandukanye kuzakangurira abaturarwanda kuyirinda, cyane cyane urubyiruko.
- Umunyamabanga wa Leta ushinzwe Amazi na Mine muri MINITERE yamenyesheje Inama y'Abaminisitiri ko ku itariki ya 4/12 ari umunsi mpuzamahanga w'abacukuzi.
- Umunyamabanga wa Leta ushinzwe Inganda no Guteza imbere Ishoramari muri MINICOM yamenyesheje Inama y'Abaminisitiri ko kuva ku itariki ya 24/11 kugeza ku itariki ya 5/12/2005, i Kigali hazabera imurikagurisha mpuzamahanga rya munani ry'u Rwanda .
Kigali, kuwa 23/11/2005
Minisitiri
muri Primature ushinzwe Itangazamakuru