None kuwa gatatu tariki ya 24 K anama 2005, Inama y'Abaminisitiri yateraniye muri Village Urugwiro, iyobowe na Nyakubahwa Perezida wa Repubulika: Paul KAGAME.
Imaze kwemeza gahunda y'inama, Inama y'Abaminisitiri yafashe ibyemezo bikurikira:
1. Inama y'Abaminisitiri yemeje ibyemezo by'Inama y'Abaminisitiri yo ku matariki ya 27/07/2005 na 29/07/2005 imaze kubikorera ubugororangingo.
2. Inama y'Abaminisitiri yemeje " document de cadrage budgétaire 2006/Budget framework paper 2006 " .
3. Inama y'Abaminisitiri yemeje :
a) Umushinga w'ivugururwa ry'Itegeko Nshinga rya Repubulika y'u Rwanda ryo kuwa 04/06/2003, nk'uko ryavuguruwe kugeza ubu.
b) Umushinga w'itegeko ryerekeye inzego z'ubutegetsi bw'Igihugu, imbibi n'imiterere ya Repubulika y'u Rwanda;
c) Umushinga w'itegeko rigenga imitunganyirize n'imikorere by'Intara;
d) Umushinga w'itegeko rishyiraho imitunganyirize n'imikorere by'Akarere;
e) Umushinga w'itegeko rigenga amatora y'inzego z'ibanze mu Rwanda.
4. Inama y'Abaminisitiri yemeje umushinga w'itegeko rishyiraho Ikigo cy'Igihugu cyo Kugenzura Ubuziranenge bw'Ibikomoka ku Buhinzi n'Ubworozi.
5. Inama y'Abaminisitiri yasuzumye " Cabinet paper " irebana n'izamurwa ry'igiciro cya sima ya CIMERWA, isaba Minisitiri w'Ubucuruzi, Inganda, Guteza Imbere Ishoramari, Ubukerarugendo n'Amakoperative gukurikirana icyo kibazo no kugishakira umuti.
6. Inama y'Abaminisitiri yemeje "Cabinet paper" ku mikorere n'inshingano z'itsinda –task force- rishinzwe guteza imbere amakoperative.
7. Inama y'Abaminisitiri yashyizeho itsinda ryo kunoza
- inyandiko y'amasezerano hagati ya Leta n'abafashijwe kugura imodoka zabo
- inyandiko y' amabwiriza yerekeye uburyo bwo gukodesha imodoka zitwara abakozi mu kazi guhera ku itariki ya mbere Nzeri 2005.
Iryo itsinda rigizwe na Minisitiri y'Ibikorwa Remezo ; Minisitiri w'Abakozi ba Leta n'Umurimo ; Minisitiri w'Imari n'Igenamigambi ; Minisitiri y'Ubucuruzi, Inganda, Guteza Imbere Ishoramari, Ubukerarugendo n'Amakoperative ;Umuyobozi w'Ibiro bya Nyakubahwa Perezida wa Repubulika ;Umuyobozi w'Ibiro bya Minisitiri w'Intebe n'abahagarariye Ingabo na Polisi .
8. Inama y'Abaminisitiri yemeje ihame (principe/principle) ryo gushyiraho Rwanda Stock Exchange/Bourse des Valeurs Mobilières, isaba abagize itsinda ryashinzwe kuyitegura gukurikirana ibikenewe kugira ngo ishobore gutangira.
9. Inama y'Abaminisitiri yashyizeho abagize akanama gashinzwe kuvugurura amategeko yerekeye ubucuruzi/cellule de réforme du droit des affaires/business law reform cell, ari bo :
- MUGISHA Richard;
- NDUHUNGIREHE Olivier;
- MUVARA Pothin;
- RWAMASIRABO Olivier;
- KABEJA Alain;
- GATABAZI Emmanuel.
10. Inama y'Abaminisitiri yemeje ko Lt Col (Rtd) Joshua MBARAGA aba Umuyobozi Mukuru wa " Civil Aviation Authority " akabifatanya n'Ubuyobozi bwa Unit/Unité ishinzwe " Air Space Management Systems " .
11. Mu bindi:
Minisitiri w'Ubuhinzi n'Ubworozi yamenyesheje Inama y'Abaminisitiri ko inka 120 Nyakubahwa Mwai KIBAKI yagabiye aborozi bo mu Mutara zizagera ino ejo kuwa kane, tariki ya 25/08/2005.
Kigali, kuwa 24/08/2005.
Minisitiri
muri Primature ushinzwe Itangazamakuru