None ku wa
gatatu tariki ya 24 Ugushyingo 2004, Inama y’Abaminisitiri yateraniye
muri Village Urugwiro, iyobowe na Nyakubahwa Minisitiri w’Intebe:
Bernard MAKUZA.
Imaze
kwemeza gahunda y’inama, Inama y'Abaminisitiri yafashe ibyemezo
bikurikira:
1. Inama
y’Abaminisitiri yemeje ibyemezo by’Inama y’Abaminisitiri yo ku itariki
ya 24/11/2004, imaze kubikorera ubugororangingo.
2.
Inama y’Abaminisitiri yemeje umushinga w’itegeko rihindura
kandi ryuzuza itegeko n°34/2001 ryo ku wa 05/07/2001 ryerekeye impunzi
n’iteka rya Perezida rivanaho Komisiyo yo gucyura no gutuza
impunzi.
3. Inama
y’Abaminisitrii yemeje inyandiko ya Politiki y’amazi n’isukura, imaze
kuyunguranaho ibitekerezo.
4. Inama
y’Abaminisitiri yemeje umushinga w’itegeko ryemerera kwemeza burundu
amasezerano avugurura Itegeko Shingiro ry’Umuryango Mpuzamahanga
w’Itumanaho/Union
Internationale des Télécommunications (UIT)/ International
Telecommunications Union (ITU).
5. Inama
y’Abaminisitiri yemeje amasezerano
yemerera icyicaro Umuryango wa «Initiative des Grands Lacs sur le
SIDA/The Great Lakes Initiative on HIV/AIDS (GLIA)» mu Rwanda, ariko
akazashyirwaho umukono itegeko ashingiraho rimaze
gusohoka.
6. Inama
y’Abaminisitiri yemeje iteka rya Perezida rishyiraho
ishimwe ry’akarusho rihabwa abanyeshuri bo mu mashuri abanza
n’ayisumbuye barushije abandi mu nyigisho z’ubumenyi
(sciences).
7. Inama
y’Abaminisitiri yemeje umushinga w’itegeko ryerekeye uko ingengo
y’imari y’umwaka wa 2003 yakoreshejwe.
8. Inama
y’Abaminisitiri yemeje umushinga w’itegeko ryemerera kwemeza burundu
amasezerano yashyizweho umukono i Tunis muri Tuniziya ku wa 17/11/2004
hagati ya Repubulika y’u Rwanda n’Ikigega Nyafurika Gitsura
Amajyambere, yerekeye inguzanyo ingana na miliyoni makumyabiri n’imwe
n‘ibihumbi magana cyenda za «unités de comptes» (21.900.000 UC)
agenewe gahunda yo gufasha ingamba zo kurwanya
ubukene.
9. Inama
y’Abaminisitiri yemeje umushinga w’itegeko ryemerera kwemeza burundu
amasezerano yashyizweho umukono i Tunis muri Tuniziya ku wa 17/11/2004
hagati ya Repubulika y’u Rwanda n’Ikigega Nyafurika Gitsura
Amajyambere, yerekeye inguzanyo ya miliyoni cumi n’eshatu n‘ibihumbi
magana arindwi na mirongo itandatu za «unités de comptes» (13.760.000
UC) agenewe gahunda y’umushinga ufasha itunganwa n’icungwa ry’ibiyaga
byo mu Gihugu imbere.
10. Inama
y’Abaminisitiri yemeje ko Bwana NDUHUNGIREHE Olivier aba
Umunyamabanga wihariye w’Umunyamabanga wa Leta ushinzwe Inganda no
Guteza Imbere Ishoramari muri Minisiteri y’Ubucuruzi, Inganda, Guteza
Imbere Ishoramari, Ubukerarugendo n’Amakoperative.
11. Mu
bindi:
a) Minisitiri
muri Perezidansi ya Repubulika yamenyesheje Inama
y’Abaminisitiri ko
mu kwezi gutaha hateganijwe Inama y’Igihugu y’Umushyikirano.
b) Minisitiri w’Urubyiruko,
Umuco na Siporo n’Umunyamabanga wa Leta ushinzwe Kurwanya SIDA
n’Izindi Ndwara z’Ibyorezo bamenyesheje Inama y’Abaminisitiri ko ku
itariki ya mbere Ukuboza 2004, ari umunsi ngaruka mwaka wo kuzirikana
icyorezo cya SIDA. Imihango ijyanye n’uwo munsi izabera mu Ntara
y’Umutara ari naho hazasozerezwa
iserukiramuco ry’urubyiruko.
c) Minisitiri w’Ubutegetsi
bw’Igihugu, Imiyoborere Myiza, Amajyambere Rusange n’Imibereho Myiza
y’Abaturage yamenyesheje Inama y’Abaminisitiri ko ku itariki ya 9
Ukuboza 2004 ari umunsi mpuzamahanga wo kurwanya
ruswa.