None kuwa gatatu tariki ya 25 M ata 2007, Inama y'Abaminisitiri yateraniye muri Village Urugwiro, iyobowe na Nyakubahwa Perezida wa Repubulika : Paul KAGAME.
Imaze kwemeza gahunda y'inama, Inama y'Abaminisitiri yafashe ibyemezo bikurikira:
1. Inama y'Abaminisitiri yemeje imyanzuro y'Inama y'Abaminisitiri yo ku itariki ya 11/04/2007, imaze kuyikorera ubugororangingo.
2. Inama y'Abaminisitiri yemeje imishinga y'amategeko ashyiraho ikigo cy'amazi n' ikigo cy'amashanyarazi.
3. Inama y'Abaminisitiri yemeje Iteka rya Perezida rigena imyaka nyakuri y'ubukode ku butaka hakurikijwe icyo ubutaka bugenewe gukoreshwa ;
4. Inama y'Abaminisitiri yemeje gahunda y'Igihugu yo gushyira mu bikorwa amasezerano mpuzamahanga ya Stockholm yerekeye ibintu bihumanya kandi biramba (Plan National de mise en oeuvre de la Convention de Stockholm sur les polluants organiques persistants/National Plan for the Implementation for the Stockholm Convention on Persistent Organic Pollutants).
5. Inama y'Abaminisitiri yemeje raporo y'itsinda “Akagera Task Force” ijyanye n'inozwa rya “Vocational Training” mu Rwanda.
6. Inama y'Abaminisitiri yemeje umushinga w'Itegeko ryemerera kwemeza burundu amasezerano yashyiriweho umukono i Vienna muri Austria, kuwa 21 Werurwe 2007, hagati ya Repubulika y'u Rwanda n'Ikigega cya OPEC Gitsura Amajyambere (OFID), yerekeranye n'inguzanyo ingana na miliyoni enye z'amadolari y'Amerika (4.000.000USD) agenewe umushinga wo gukwirakwiza amazi mu Mujyi wa Butare.
7. Inama y'Abaminisitiri yemeje ingamba zafatwa mu rwego rwo guhangana n'ikibazo cy'umusaruro muke mu gihe cy'ihinga 2007B kubera amapfa.
8. Inama y'Abaminisitiri yemeje amateka akurikira:
a) Iteka rya Minisitiri rizamura mu ntera ya “Chief Inspector of Police” abapolisi bakurikira:
- Dr. SABAYEZU B. Emmanuel;
- Dr. NKUBITO Pascal;
- Dr. TUGANEYEZU Oreste;
- Ir. KAYIJUKA Louis;
- Ir. MUGWIZA Egide.
b) Iteka rya Minisitiri rigena “indemnités/allowances” zigenerwa Abayobozi ba Polisi y'Igihugu.
c) Iteka rya Perezida ri gena imishahara n'ibindi bigenerwa Umuvunyi Mukuru n'Abamwungirije.
9. Inama y'Abaminisitiri yashyize mu myanya abayobozi ku buryo bukurikira:
- Prof. Martin O'HARA: Umuyobozi Wungirije ushinzwe amasomo muri UNR;
- Madamu NYIRARUKUNDO Ignatienne: Komiseri muri Komisiyo y'Igihugu y'Ubumwe n'Ubwiyunge;
- Bwana KAMUGISHA Robert : Umunyamabanga Wihariye wa Minisitiri w'Ubutabera.
10. Mu bindi
a) Minisitiri w'Ibikorwa Remezo yamenyesheje Inama y'Abaminisitiri ko ku matariki ya 7-9/05/2007 i Kigali hazabera inama y'Abaminisitiri ba East African Community bashinzwe itumanaho yateguwe na US Digital Freedom Initiative.
b) Minisitiri w'Ubuzima yamenyesheje Inama y'Abaminisitiri ko:
- Umuyobozi Mukuru wa WHO/OMS azagenderera u Rwanda ku mugaragaro ku matariki ya 4-6/06/2007.
- Trac Plus yahawe igihembo cya 2007 mu ikoranabuhanga muri Afurika na Economic Commission for Africa ifatanije na Canadian e-Policy.
- I Kigali ku matariki 2-4/05/2007 hazabera “Eastern Central and Southern African Performance based financing
Workshop”. .
- Minisitiri w'Urubyiruko, Umuco na Siporo yamenyesheje Inama y'Abaminisitiri ko muri Serena Hotel ku itariki ya 27/04/2007 Urukerereza ruzaherekanira umukino mu rwego rwo kwitegura ibirori bya Tribeca Film Festival bizabera i New-York ku itariki ya 3/05/2007, hakazaba n'umunsi wahariwe u Rwanda na Rwanda Cinema Center; yasabye abashyigikiye Urukerereza kuzaza kureba uwo mukino.
- Minisitiri muri Primature ushinzwe Itangazamakuru yamenyesheje Inama y'Abaminisitiri ko ku itariki 3/05/2007 ari umunsi mpuzamahanga w'ubwisanzure mu itangazamakuru
- Minisitiri w'Ubutabera yamenyesheje Inama y'Abaminisitiri ko Urwego rw'Ubutabera ruzagira umwiherero ku matariki 23-26/05/2007.
- Umunyamabanga wa Leta muri MIFOTRA ushinzwe Umurimo yasabye ko abakozi bazitabira ari benshi umunsi mpuzamahanga w'umurimo kuwa kabiri tariki ya 1 Gicurasi 2007.
Kigali, kuwa 25/04/2007
Minisitiri
muri Primature ushinzwe Itangazamakuru