None kuwa gatatu tariki ya 25 Gicurasi 2005, Inama y'Abaminisitiri yateraniye muri Village Urugwiro, iyobowe na Nyakubahwa Perezida wa Repubulika: Paul KAGAME.
Imaze kwemeza gahunda y'inama, Inama y'Abaminisitiri yafashe ibyemezo bikurikira:
1. Inama y'Abaminisitiri yemeje ibyemezo by'Inama y'Abaminisitiri yo ku itariki ya 18/05/2005, imaze kubikorera ubugororangingo.
2. Inama y'Abaminisitiri yemeje ko hajyaho itsinda ryo gukora ubushakashatsi no gukurikirana ibya mine na géologie (équipe de recherche et de régulation géologiques et minières/geological, mining and regulatory research team)
3. Inama y'Abaminisitiri yagejejweho gahunda y'imurika ry'ikoranabuhanga 2005 Minisiteri y'Ubuhinzi n'Ubworozi iteganya gukoresha guhera kuwa 21 kugeza kuwa 26 Kamena 2005.
4. Inama y'Abaminisitiri yemeje inyandiko ya Minisiteri y'Ubucuruzi, Inganda, Guteza Imbere Ishoramari, Ubukerarugendo n'Amakoperative ku byerekeye gushishikariza Abanyarwanda kuzigama (Major instruments for savings mobilisation in Rwanda/Principaux instruments de mobilisation de l'épargne au Rwanda)
5. Inama y'Abaminisitiri yemeje iteka rya Minisitiri rigena indamunite yo kwinjira mu Ngabo z'Igihugu. Iryo teka rigena kandi amafaranga y'igihembo ahabwa abasirikare bagengwa n'amasezerano bongeye kwiyandikisha mu Ngabo z'Igihugu.
6. Inama y'Abaminisitiri yashinze imirimo abakozi bakurikirana « ICT » muri za Minisiteri ku buryo bukurikira :
MINISITERI |
UMUKOZI |
PRIMATURE |
UWINEZA Chantal, Umuyobozi Mukuru |
MINEDUC |
KARANGWA Eugène, Umuyobozi |
MIFOTRA |
ISABWE Maurice, Umuyobozi |
MINALOC |
MAYIRA Gerald, Umuyobozi |
MININTER |
BWANAKWELI Chantal, Umuyobozi |
MINITERE |
NIYIKORA Emmanuel, Umuyobozi |
MINAGRI |
MUNYABUHORO Eric, Umuyobozi |
MINAFFET |
REMERA Patrick, Umuyobozi |
MINISANTE |
MUGIRAKAMARO Solomon, Umuyobozi |
MIGEPROF |
ASIMWE K. Fred, Umuyobozi |
MINIJUST |
GATWAZA William, Umuyobozi |
MINICOM |
MWUMVANEZA Paul, Umuyobozi |
MININFRA |
BALOKO Makala, Umuyobozi |
7. Mu bindi :
• Minisitiri w'Ubucuruzi, Inganda, Guteza Imbere Ishoramari, Ubukerarugendo n'Amakoperative yamenyesheje Inama y'Abaminisitiri aho imyiteguro y'inama ya COMESA igeze.
• Minisitiri w'Ingabo yamenyesheje Inama y'Abaminisitiri ko :
- Gen.James JONES, Umukuru w'Ingabo za Amerika mu Burayi akaba n'Umukuru w'Ikirenga wa NATO/OTAN azagenderera u Rwanda ku itariki ya 31/05/2005 ;
- Minisitiri w'Ingabo w'Ubuholandi azagenderera u Rwanda ku itariki ya 14/06/2005.
• Umunyamabanga wa Leta muri Minisiteri y'Ubuzima ushinzwe Kurwanya Sida n'Izindi Ndwara z'Ibyorezo yamenyesheje Inama y'Abaminisitiri ko kuva ku itariki 27 kugeza kuya 29 Kamena 2005 i Kigali hazabera inama ya Komisiyo Nyafurika y'Uburenganzira bwa Muntu n'ubw'Abaturage iziga ku byerekeye uburenganzira bw'ababana n'ubwandu bwa SIDA.
• Umunyamabanga wa Leta muri Minisiteri y'Ubutegetsi bw'Igihugu, Imiyoborere Myiza, Amajyambere Rusange n'Imibereho Myiza y'Abaturage ushinzwe Amajyambere Rusange n'Imibereho Myiza y'Abaturage yamenyesheje Inama y'Abaminisitiri ko kuva ku itariki ya 06 kugeza kuya 08 Kamena 2005 mu Rwanda hazabera inama mpuzamahanga y'Abaminisitiri b'Ibihugu 28 by'Amajyepfo ya Sahara bafite Politiki yo Kwegereza Ubuyobozi n'Ubushobozi Abaturage (décentralisation) mu nshingano zabo.
• Umunyamabanga wa Leta muri Minisiteri y'Ubutaka, Ibidukikije, Amashyamba, Amazi na Mine ushinzwe Amazi na Mine yamenyesheje Inama y'Abaminisitiri ko yasinyanye amasezerano n'isosiyete yitwa ADROITECE INFORMATION SYSTEM izakora ubushakashatsi bwo kumenya umutungo wo mu rwego rwa Mine na Jewoloji u Rwanda rufite
Minisitiri
muri Primature ushinzwe Itangazamakuru