None kuwa gatatu tariki ya 25 Nyakanga 2007,
Inama y’Abaminisitiri yateraniye muri Village Urugwiro,
iyobowe na Nyakubahwa Perezida wa Repubulika : Paul KAGAME.
Imaze kwemeza gahunda y’inama, Inama y'Abaminisitiri
yafashe ibyemezo bikurikira:
1. Inama y’Abaminisitiri yemeje imyanzuro
y’Inama y’Abaminisitiri yo ku itariki ya 27 Kamena
2007, imaze kuyikorera ubugororangingo.
2. Inama y’Abaminisitiri yemeje Umushinga
w’Itegeko Ngenga rihindura kandi ryuzuza Itegeko Ngenga
n°14/2004 ryo kuwa 26/05/2004 rishyiraho amategeko rusange
yerekeye ibigo bya Leta nk’uko ryahinduwe kandi ryujujwe
kugeza ubu.
3. Inama y’Abaminisitiri yemeje Iteka rya
Minisitiri riha ububasha bw’ubugenzacyaha abakozi bakora
mu bidukikije barimo:
- Dr. MUKANKOMEJE Rose;
- MASHINGA Theobald;
- DUSABEYEZU Sebastien;
- RWIGAMBA Molly;
- MPAMBARA Aimée;
- KABERA Juliet;
- GASHUGI Innocent;
- MINANI Jean Marie Vianney;
- TUSHABE Rachael;
- MUSONI Jacqueline;
- DUHUZE Remy Norbert.
4. Inama y’Abaminisitiri yemeje gahunda
yo kuvana abana b’inzererezi mu muhanda no kubasubiza mu
buzima busanzwe.
5. Inama y’Abaminisitiri yemeje Raporo
y’u Rwanda ku ishyirwa mu bikorwa ry’amasezerano mpuzamahanga
agamije kurandura ivangura iryo ariryo ryose rikorerwa abagore.
6. Inama y’Abaminisitiri yemeje Iteka rya
Perezida rishyiraho Ibigo Ngororamuco by’abana;
7. Inama y’Abaminisitiri yemeje Iteka rya
Minisitiri rigena Imiterere n’Imikorere y’Ibigo Ngororamuco
by’abana;
8. Inama y’Abaminisitiri yemeje Iteka rya
Perezida ryirukana burundu Ofisiye wisumbuye wa Polisi y’Igihugu
n’Iteka rya Minisitiri ryirukana Su-Ofisiye n’umupolisi
muto muri Polisi y’Igihugu. Abo ni:
- SUPT MUHABWA Célestin;
- CPL MUTUYEYEZU Innocent;
- PC MURAYIRE Damascène.
9. Inama y’Abaminisitiri yemeje ko MINECOFIN isinyana na
TERRACOM amasezerano yemerera Leta y’u Rwanda gusubirana
RWANDATEL no kugura imigabane yose ya TERRACOM.
10. Inama y’Abaminisitiri yashyize mu myanya
abayobozi ku buryo bukurikira:
- Lt. Col GASHUMBA Patrick: Defence and Military
Attaché i Beijing- China;
- KANAMUGIRE Makuza Aloys: DG SINELAC;
- KAYITANKORE Claude: Umuyobozi Wungirije wa EGL;
- Mr. CHEGE MATHU Robert : Executive Director wa Capital Markets
Advisory Council (CMAC).
11. Mu bindi
a) Umunyamabanga wa Leta muri MININFRA ushinzwe
Ingufu n’Itumanaho yamenyesheje Inama y’Abaminisitiri
ko mu nama iherutse kubera Accra yakoreshejwe na KEMILINKS ICT
African Awards 2007, Nyakubahwa Perezida wa Repubulika y’u
Rwanda yahawe igihembo kigenewe Umukuru w’Igihugu warushije
abandi guteza imbere ICT naho Igihugu cy’u Rwanda gihabwa
igihembo mu byerekeye ICT Framework.
b) Minisitiri w’Ibikorwa Remezo yamenyesheje
Inama y’Abaminisitiri ko i Kigali hazabera inama ya 16 ya
ICAO, kuva ku itariki ya 5 kugeza ku ya 9 Ugushyingo 2007.
c) Minisitiri w’Imari n’Igenamigambi
yamenyesheje Inama y’Abaminisitiri ko ku itariki ya 4 Kanama
2007 ari umunsi w’umusoreshwa.
d) Minisitiri w’Ububanyi n’Amahanga
n’Ubutwererane yamenyesheje Inama y’Abaminisitiri
ko i Kigali ku itariki ya 26/07/2007 hazateranira inama ya Afurika
Yunze Ubumwe izahuza Abaminisitiri bashinzwe ubutwererane bw’Uturere.
e) Minisitiri w’Uburezi yamenyesheje Inama
y’Abaminisitiri ko i Kigali muri SFB kuva ku itariki ya
27 kugeza ku ya 30 Nyakanga 2007 hazabera imurikamenyesha mu rwego
rw’uburezi rizahuza u Rwanda na Uganda.
f) Minisitiri w’Ingabo yamenyesheje Inama
y’Abaminisitiri ko ku itariki ya 11/08/2007 hazatahwa ku
mugaragaro icyicaro gikuru cya ZIGAMA CSS.
g) Minisitiri muri Primature ushinzwe Iterambere
ry’Umuryango n’iry’Uburinganire yamenyesheje
Inama y’Abaminisitiri ko ku itariki ya 30 Nyakanga 2007
i Kigali hazateranira inama nkuru ya 3 y’abana.
h) Umunyamabanga wa Leta muri MINALOC ushinzwe
Amajyambere Rusange n’Imibereho Myiza y’Abaturage
yamenyesheje Inama y’Abaminisitiri ko ku itariki ya 26 Nyakanga
I Kigali hazabera inama ya Tripartitie izahuza u Rwanda, Uganda
na HCR ku kibazo cy’abanyarwanda bari muri Uganda.
i) Umunyamabanga wa Leta muri MINITERE ushinzwe
Amazi na Mine yamenyesheje Inama y’Abaminisitiri ko :
- Mu Karere ka Muhanga hashyizwe uruganda rw’ikitegererezo
rukora amategura atwikishwa nyiramugengeri;
- Ku itariki ya 26 Nyakanga 2007 mu Karere ka
Nyabihu hazatahwa umuyoboro w’amazi watewemo inkunga na
UNICEF;
- Ku itariki ya 27 Nyakanga 2007 mu Turere twa
Musanze na Burera hazatahwa umuyoboro w’amazi, nawo watewemo
inkunga na UNICEF.
j) Umunyamabanga wa Leta muri MINISANTE ushinzwe
Kurwanya SIDA n’Izindi Ndwara z’Ibyorezo yamenyesheje
Inama y’Abaminisitiri ko igikorwa cyo gutera mu ngo imiti
yica imibu itera malariya mu rwego rwo kurwanya iyo ndwara kizaba
mu ntangiriro y’ukwezi kwa Kanama kigahera mu Mujyi wa Kigali.
k) Umunyamabanga wa Leta muri MIFOTRA ushinzwe
Umurimo yamenyesheje Inama y’Abaminisitiri ko ku itariki
ya 30/07/2007 i Kigali hazabera inama ku buzima n’umutekano
w’abakozi mu kazi.
Kigali, kuwa 25/07/2007
Minisitiri
muri Primature ushinzwe Itangazamakuru