None
ku wa gatatu tariki ya 26 Mutarama 2005, Inama y’Abaminisitiri
yateraniye muri Village Urugwiro, iyobowe na Nyakubahwa Perezida wa
Repubulika: Paul KAGAME.
Imaze
kwemeza gahunda y’inama, Inama y'Abaminisitiri yafashe ibyemezo
bikurikira:
1.
Inama
y’Abaminisitiri yemeje ibyemezo by’Inama y’Abaminisitiri yo ku itariki
ya 12/01/2005, imaze kubikorera ubugororangingo.
2.
Inama
y’Abaminisitiri yemeje :
i)
Iteka tya Minisitiri ryerekeye
ubugenzuzi bwa farumasi ;
ii)
Iteka
rya Minisitiri rigena imiterere, imikorere n’abagize Komisiyo
y’Igihugu y’ishingwa ry’ibigo bikorerwamo ibya
farumasi ;
iii) Iteka
rya Minisitiri rigena ibyangombwa nkenerwa kugira ngo hafungurwe ikigo
kiranguza imiti ;
iv) Iteka
rya Minisitiri rigena ibyangombwa nkenerwa bisabwa mu gukoresha no
kwegurira ikigo kidandaza cyangwa gikorerwamo ibya
farumasi ;
v)
Iteka
rya Minisitiri rigena urutonde rw’imiti nkenerwa itagomba kubura muri
za farumasi.
3.
Inama
y’Abaminisitiri yemeje inyandiko yagejejweho na Minisitiri w’Ubuzima
ku mashuri y’ubuforomo. Iyo nyandiko iragaragaza ibyangombwa bigomba
gukurikizwa mu ishingwa ry’amashuri y’ubuforomo, yose akazagomba
gutanga impamyabushobozi yo mu rwego rwa A1.
4.
Inama
y’Abaminisitiri yemeje ihame ryo gushinga AGETIP (Agence d’Exécution
d’Intérêt Public) mu Rwanda
. Iryo shyirahamwe ridaharanira inyungu rikazagirana
amasezerano na Leta aryegurira gucunga imishinga imwe n’imwe.
Imishyikirano yo kurishyiraho hagati ya Leta y’u Rwanda na Banki y’Isi
iracyakomeza.
5.
Inama
y’Abaminisitiri yemeje ko Brig.Gen. RWIGAMBA Andrew wagizwe Umukuru wa
Polisi y’Igihugu ahawe ipeti rya « Deputy Commissioner
General ».
6.
Inama
y’Abaminisitiri yemeje ko NZAMWITA Lilly aba Umunyamabanga Wihariye wa
Minisitiri w’Abakozi ba Leta, Amahugurwa
n’Umurimo.
7.
Mu
bindi
a)
Minisitiri
w’Ubutabera yibukije ko Itegeko rigenga ubwenegihugu ryasohotse muri
Gazeti ya Leta, akaba asaba abafite ubwenegihugu burenze bumwe
kwimenyekanisha mu biro bishinzwe abinjira n’abasohoka mu Gihugu, mu
gihe kitarenze amezi atatu nk’uko itegeko
ribiteganya.
b)
Minisitiri
w’Uburinganire n’Iterambere ry’Umuryango yamenyesheje Inama
y’Abaminisitiri ko i Kigali kuva itariki ya 07/02/2005 kugeza kuya
11/02/2005 hazabera inama ya Gender yerekeye politiki n’imiyoborere
myiza.
c)
Minisitiri
w’Urubyiruko, Umuco na Siporo, yamenyesheje Inama y’Abaminisitiri ko
« Panafrican Youth Organisation Against AIDS » (PAYA)
izakorera inama ya Komite Nyobozi yayo i Kigali kuva ku itariki ya 14
kugeza kuya 19/02/2005.
d)
Umunyamabanga
wa Leta Ushinzwe kurwanya SIDA n’Izindi Ndwara z’Ibyorezo muri
Minisiteri y’Ubuzima, yamenyesheje Inama y’Abaminisitiri ko muri iyi
minsi hari abantu bemeza ko bavura SIDA. Inama y’Abaminisitiri yemeje
ko mbere yo kumenya ko abo bantu bavura SIDA hakwiye kuba isesengura
ry’abahanga kugirango hatagira abiyitirira ubushobozi
badafite.
e)
Umunyamabanga
wa Leta Ushinzwe Ubutwererane muri Minisiteri y’Ububanyi n’Amahanga
n’Ubutewererane yamenyesheje Inama y’Abaminisitiri ko inama
y’ubutwererane u Rwanda rwagiranye n’Ubusuwisi, igamije gusubukura
ubutwererane burambye, yagenze
neza.