ITANGAZO  RY’IBYEMEZO BY'INAMA Y'ABAMINISITIRI  YO KU ITARIKI  YA 27 KAMENA   2007

---

 

None kuwa gatatu tariki ya 27 Kamena2007, I nama y’Abaminisitiri yateraniye muri Village Urugwiro, iyobowe na Nyakubahwa Perezida wa Repubulika : Paul KAGAME.

Imaze kwemeza gahunda y’inama, Inama y'Abaminisitiri yafashe ibyemezo bikurikira:

1. Inama y’Abaminisitiri yemeje imyanzuro y’Inama y’Abaminisitiri yo ku itariki ya 20 Kamena 2007, imaze kuyikorera ubugororangingo.

2.Inama y’Abaminisitiri yemeje Amateka akurikira :

-Iteka rya Perezida ritanga imidali yo mu rwego rwa Gisirikare :

•  Campaign against genocide Medal

•  National Liberation Medal

•  Foreign Campaign Medal

•  Presidential Inauguration Medal
  Iteka rya Perezida rishyiraho umudali w’icyubahiro ’Rwanda Defence Forces Order of Honour’’.

 Iteka rya Perezida ritanga umudali ’Rwanda Defence Forces Order of Honour’’.

• Iteka rya Minisitiri ritanga imidali y’ishimwe yo mu rwego rwa Gisirikare yo mu bwoko bwa “Ribbons”.

• Command  Service Ribbon
• Combat Action Ribbon
• Community Service Ribbon

3. Inama y’Abaminisitiri yemeje Iteka rya Minisitiri w’Intebe rishyira mu kiruhuko cy’izabukuru bamwe mu bakozi bo muri Kaminuza y’u   Rwanda.

4. Inama y’Abaminisitiri yemeje umushinga w’Itegeko rigena imitunganyirize y’imirimo y’imari iciriritse/ «Draft Law establishing the organization of micro- finance activities/ Projet de Loi portant organisation de l’activité de micro- finance ».

5.Inama y’Abaminisitiri yemeje Iteka rya Minisitiri rishyiraho abagize akanama k’ubujurire kigenga ku rwego rw’Igihugu ku byerekeye amasoko ya Leta.

Abo ni:

 - RUGANINTWARI Bizimana Pascal : perezida

- NIYONSENGA Ildephonse

- MUBILIGI Paul

- NYAKURAMA Rhona

- MUJAWAYEZU Prisca

6. Inama y’Abaminisitiri yafashe icyemezo cyo kongerera ubushobozi Ikigega cy’Ingwate y’imishinga mito n’iciriritse kiri muri "BRD“.

7. Inama y’Abaminisitiri yashyize abayobozi mu myanya ku buryo bukurikira:

a) Abagize inama z’ubuyobozi :

             RARDA : 

-   Dr. GATARI Callixte :perezida

- NGANGURE Laurence 

-TWAGIRAMARIYA Uwamahoro Pacifique

-KATABARWA Augustine

-Dr. NYIRAZIKWIYE Euphrasie

-MUKANTWARI Christine

 RADA :  

 - RUZINDAZA Ernest : perezida

- Dr. RUKAZAMBUGA Daniel

- NGARAMBE Vincent

- TUYISHIME Francine

-  NSANZABERA Félicité

-UWIZERA Marthe

-MUSABYIMANA Innocent

OCIR Thé : - MUKESHIMANA Géraldine : perezida

OCIR Café : - GATARE Francis : perezida    

Inama y’Igihugu y’Amashuri Makuru :

- Dr. Mike BIRYABAREMA : perezida

- Dr. NZABARIRWA Wenceslas

- MUTARUTINYA Védaste

- Dr. UWAMBAZIMANA Jeanne d’Arc

- Prof. BISANDA Eliphaz

- RWAKAZINA Chantal

-Dr. NYIRAHABIMANA Jeanne

b) Umunyamabanga Nshingwabikorwa wa « Financial  Sector    Development Secretariat/MINECOFIN” : NGARAMBE François -Xavier
  
c) Umuyobozi w’agateganyo wa RURA : Col. MUDENGE Diogène

d) Institute for Law Practice and Development (ILPD)

                i. Abayobozi  :  

Inama y’Abaminisitiri yemereye Minisitiri w’Ubutabera gusinyana n’ abayobozi bakurikira amasezerano abemerera gukora ku buryo  bw’agateganyo:

• RUKIMIRANA Nsanze Vestina : Umuyobozi w’agateganyo

          (Ag. Rector);

• EDOUARD J. Macau : Umuyobozi wungirije w’agateganyo  

          (Ag. Vice Rector)  ushinzwe amasomo.

               ii Inama y’Ubuyobozi :

- BUSINGYE Johnston : perezida

- NSENGUMUKIZA Anatole

- RUSANGANWA Eugène

- MUKARUBIBI Fatina

- MUHIRWA Antoine

- KALIWABO  Denys

- TIRYAHEBWA Robert

-GATERA Gashabana

            
8. Mu bindi

a) Nyakubahwa Perezida wa Repubulika yongeye kwibutsa icyemezo ntakuka ko ntawe ukwiye kwikubira ubutaka hari abandi batabufite; Yanasabye Abayobozi gukurikirana ibikorwa by’uburezi basura ibigo by’amashuri.

b) Minisitiri w’Imari n’Igenamigambi yamenyesheje Inama y’Abaminisitiri

   - imishinga “United States African Development Foundation (USADF)”       ifite mu Rwanda;

   - Inama y’ amasosiyeti y’ubwishingizi aturuka mu bihugu 35 izabera i Kigali kuwa 30/06/2007.

   - Raporo y’intumwa z’u Rwanda zasuye Ubushinwa n’Ubuhinde zireba        ukuntu imishinga y’ibikorwa remezo yabonerwa   amafaranga

c) Minisitiri w’Urubyiruko,  Umuco na Siporo yamenyesheje Inama y’Abaminisitiri ko ku matariki 02-25/07/2007 mu Karere ka Huye hazabera amahugurwa mu rwego rwa UNESCO ku byerekeye iyandikisha ry’umurage w’Isi.

d) Minisitiri w’Abakozi ba Leta n’Umurimo yamenyesheje Inama y’Abaminisitiri ko agiye gukoresha “audit” ku mishahara mu bigo bya Leta na “capacity needs assessment”.

e) Umunyamabanga wa Leta muri Minisiteri y’Uburezi ushinzwe Amashuri Abanza n’Ayisumbuye yamenyesheje Inama y’Abaminisitiri ko ku matariki 27-31/08/2007 i Kigali hazabera inama y’Akarere y’Inama z’ibihugu zishinzwe ibizamini.

f) Umunyamabanga wa Leta muri Minisiteri y’Imari n’Igenamigambi ushinzwe Igenamigambi yamenyesheje Inama y’Abaminisitiri ko ku itariki ya 11/07/2007 ari umunsi mpuzamahanga w’abatuye isi.

Mu Rwanda uzizihirizwa i Gicumbi ku rwego rw’Igihugu kuwa 13/07/2007 Insanganyamatsiko ni “ Kubungabunga ubuzima bw’ababyeyi: abagabo nabo birabareba/men as partners in maternal health/les hommes, partenaires pour la santé maternelle”

g) Umunyamabanga wa Leta muri Minisiteri y’Ububanyi n’Amahanga n’Ubutwererane yamenyesheje Inama y’Abaminisitiri ko mu ntangiriro za Nyakanga 2007 MINAFFET izahuza abagize Guverinoma,  abahagarariye ibihugu byabo n’imiryango mpuzamahanga mu Rwanda, abahagarariye imiryango itegamiye kuri Leta na sosiyete sivili  bakaganira ku byo kwinjira k’u Rwanda muri East African Community.

Kigali, kuwa 27/06/2007

Minisitiri muri Primature ushinzwe Itangazamakuru

Prof. NKUSI Laurent