None kuwa gatatu tariki ya 29 Werurwe 2006, Inama y'Abaminisitiri yateraniye muri Village Urugwiro, iyobowe na Nyakubahwa Perezida wa Repubulika, Paul KAGAME.
Imaze kwemeza gahunda y'inama, Inama y'Abaminisitiri yafashe ibyemezo bikurikira :
1. Inama y'Abaminisitiri yemeje ibyemezo by'Inama y'Abaminisitiri yo ku itariki ya 22/03/2006 imaze kubikorera ubugororangingo.
2. Inama y'Abaminisitiri yemeje Iteka rya Minisitiri w'Intebe rishyira Abashinjacyaha mu myanya ku buryo bukurikira :
a) Abashinjacyaha bayobora ibiro by'ubushinjacyaha ku rwego rwisumbuye :
NGARAMBE Raphaël,
BUNYOYE Grâce,
MUKUNZI Emmanuel,
MUKAGASHUGI Agnès,
MUTAYOBA Alphonse,
MUHUMUZA Richard,
GASARASI Elie,
UWIZEYE Jean Marie,
MUHAIRWE Steven,
HABINEZA Jean Damascène,
BATSINDA Aline,
MUKAMANA Espérance.
b) Inama y'Abaminisitiri yashyizeho n'abashinjacyaha ku rwego rwisumbuye. Yanashyizeho abashinjacyaha bo ku rwego rw'ibanze.
3. Inama y'Abaminisitiri yatanze ibitekerezo bizongerwa mu mushinga w'itegeko ngenga rihindura kandi ryuzuza itegeko ngenga n° 07/2004 ryo kuwa 20/06/2004 rigena imiterere, ububasha n'imikorere bya Komite z'abunzi uri mu Nteko Ishinga Amategeko.
4. Inama y'Abaminisitiri yemeje umushinga w'itegeko rivugurura itegeko n° 18/2002 ryo kuwa 11/05/2002 rigenga Itangazamakuru mu Rwanda.
5. Inama y'Abaminisitiri yemeje umushinga w'itegeko rigena inshingano, imiterere n'imikorere by'Inama Nkuru y'Itangazamakuru.
6. Inama y'Abaminisitiri yemeje ishyirwaho rya Ambasade y'u Rwanda mu Buholandi.
7. Inama y'Abaminisitiri yemeje ko :
- Bwana Manuel Domingos AUGUSTO ahagararira igihugu cye cya Angola mu Rwanda ku rwego rwa Ambasaderi, ufite icyicaro Addis Ababa ;
- Madamu Aine HEARNS ahagararira igihugu cye cya Ireland mu Rwanda nka Chargé d'Affaires, ufite icyicaro i Kampala .
8. Inama y'Abaminisitiri yemeje iteka rya Minisitiri ryirukana umukozi wa Leta, Bwana Festus BIZIMANA, kubera amakosa yakoze mu kazi
9. Inama y'Abaminisitiri yemereye OCIR-CAFE kugirana amasezerano n'isosiyete yitwa INZOZI COFFEE TRADERS LLC ku murimo wo kumenyekanisha no kugurisha ikawa y'u Rwanda muri Amerika.
10. Inama y'Abaminisitiri yemereye RIEPA kugirana amasezerano n'amasosiyete yo muri Amerika, AFRICA CHANNEL na BELLISIMO COFFEE INFOGROUP, ku bikorwa binyuranye bijyanye no kwamamaza no gushakira isoko ikawa y'u Rwanda muri Amerika.
11. Mu bindi:
- Minisitiri w'Ubucuruzi, Inganda, Guteza Imbere Ishoramari, Ubukerarugendo n'Amakoperative yamenyesheje Inama y'Abaminisitiri iby'urugendo rwa Bwana Pascal LAMY, Umuyobozi w'Umuryango Mpuzamahanga w'Ubucuruzi /Organisation Mondiale du Commerce/World Trade Organisation, mu Rwanda ku matariki ya 13-14/04/2006.
- Yanayimenyesheje kandi ko ejo kuwa kane, tariki ya 30/03/2006, hari igitaramo muri Intercontinental Hotel cyo kwishimira umwanya wa kabiri ku mugabane wa Afurika u Rwanda rwabonye mu imurikagurisha mpuzamahanga riherutse kubera mu Budage.
- Minisitiri w'Ibikorwa Remezo na Minisitiri w'Ububanyi n'Amahanga n'Ubutwererane bagejeje ku Nama y'Abaminisitiri aho imishyikirano n'Ubuyobozi bwa SN Brussels igeze, mbere y'uko iyo sosiyete yongera gukorera mu Rwanda .
- Minisitiri w'Ubutegetsi bw'Igihugu, Imiyoborere Myiza, Amajyambere Rusange n'Imibereho Myiza y'Abaturage yamenyesheje Inama y'Abaminisitiri ko ejo kuwa kane, tariki ya 30/03/2006, u Rwanda, Kenya na HCR bizasinyana amasezerano yo gucyura impunzi z'Abanyarwanda ziri mu gihugu cya Kenya.
Kigali, kuwa 29/03/2006
Minisitiri
muri Primature ushinzwe Itangazamakuru